آغاعلی ،سارہ خان کا جلد منگنی کرنے کا اعلان

لاہور(کلچرل رپورٹر)ٹیلی ویژن کے مقبول فنکاروں آغاعلی اورسارہ خان کی منگنی کی باقاعدہ تقریب چندروز تک ہوگی۔اس بارے میں ان کے قریبی ذرائع سے معلوم ہوا ہے کہ دونوں فیملیز شادی کے لئے تیار ہیں اور جلد ہی اس کا علان بھی کردیا جائے گا۔یہ امرقابل ذکرہے کہ آغاعلی اور سارہ خان کے تعلقات بارے روزنامہ خبریں پہلے ہی ایک ماہ قبل خبر شائع کردی تھی کہ دونوں جلد ہی منگنی کا علان کریں گے لیکن اس وقت آغاعلی کی خواہش پر یہ ظاہر نہیں کیا گیا تھا کہ ان کی شادی سارہ خان سے ہورہی ہے کیونکہ بعض وجوہات کی بناپر وہ اس کا اعلان کچھ دنوں بعدکرنا چاہتے تھے۔ آغاعلی اور سارہ خان کے درمیان کئی سال سے دوستی تھی جس کا آغاز ایک ڈرامہ سیریل کے ذریعے ہوالیکن اس دوستی میں کئی نشیب وفرازبھی آئے لیکن بالآخراب انہوں نے اپنی منگنی کا باقاعدہ اعلان کردیا ہے لیکن ابھی منگنی کی تقریب منعقد نہیں کی گئی۔آغاعلی اب تک بیس سے زائد ڈراموں میں مرکزی کردار کرچکے ہیں جبکہ سارہ خان کا شمار بھی ان کی طرح مقبول فنکاروں میں ہوتا ہے۔ چندروز قبل جب آغاعلی نے سوشل میڈیا پر اپنی اور سارہ خان کی ایک تصویر پوسٹ کی تو بہت سے لوگوں نے خوساختہ کہانیاں بنالیں۔ جبکہ کئی فنکاروں نے دونوں کا مبارکباد بھی۔اس بارے میں آغاعلی نے”خبریں“سے گفتگو کرتے ہوئے کہ ہماری منگنی ابھی نہیں ہوئی ،میں نے انسٹاگرام پر صرف ایک تصویر لگائی تھی جس کے بعد لوگوں نے خود ہی فیصلہ کرلیا کہ ہم نے منگنی کرلی ہے۔