پانامہ پیپرز کرپشن کی دستاویزات نہیں, ”کچرا“ اور” ردی“ کا ٹکڑا ہے

اسلام آباد (مانیٹرنگ ڈیسک) وزیراعظم نوازشریف کی صاحبزادی مریم نواز نے کہا ہے کہ پاناما کچرا ہے باقی دنیا نے اسے ردی کی ٹوکری میں پھینک دیا۔ سماجی رابطے کی ویب سائٹ پر اظہار خیال کرتے ہوئے کہا کہ پاناما کے ذریعے نوازشریف کوہٹانے پر انحصارکرنیوالوں کو دھول چاٹنی پڑےگی۔انہوں نے مزید کہا کہ پاناما پیپرز کبھی بھی کرپشن سے متعلق نہیں تھے،ہارنےوالے2018 ءکے الیکشن میں بھی شکست کھائیں گے۔مریم نواز کا کہناتھا کہ پاناما پیپرز جاری کرنےوالے چوراور ہیکرز نے بھی اسےکرپشن نہیں کہا، جنہیں اگلے انتخابات میں ہارنے کاخطرہ ہے یہ انہی کے شیطانی دماغ کی سازش ہے۔ انہوں نے یہ بھی کہا کہ آپ خیبر پختونخوا میں اپنی خراب کارکردگی پر پردہ ڈالنے کیلئے پاناماکیس استعمال نہیں کر سکیں گے، ووٹرز سمجھ دار ہوگئے ہیں لیکن آپ نہیں، مخالفین کا اندازہ اور فیصلہ غلط ہوگیا ،ان کی ٹرین چھوٹ گئی ہے۔