اسلام آباد (مانیٹرنگ ڈیسک) پاکستان تحریک انصاف کے چیئرمین عمران خان نے گزشتہ رات پاک فوج کے سربراہ جنرل قمر جاوید باجوہ سے ملاقات کی تھی۔ اسلام آباد میں میڈیا سے بات کرتے ہوئے عمران خان نے ملاقات کے حوالے سے کہا کہ خوشخبری یہ ہے کہ جنرل قمر جاوید باجوہ پاکستان میں جمہوریت کے ساتھ کھڑے ہیں۔خیبر پختونخوا میں بلین ٹری منصوبے سے متعلق عمران خان نے کہا کہ گلوبل وارمنگ سے پاکستان سب سے زیادہ متاثر ہے، ہم ٹمبر مافیا سے خوفزدہ نہیں بلکہ ان کا مقابلہ کریں گے، ہم نے 22 ارب روپے کی 60 ہزار کنال زمین ٹمبر مافیا سے واپس لی ہے، بلین ٹری منصوبے کے تحت صوبے بھر میں اب تک 80 کروڑ درخت لگائے جاچکے ہیں ، انشاءاللہ جلد بلین ٹری منصوبہ مکمل ہوجائے گا، جو دوسرے صوبوں کے لیے مثال ہوگا۔ انہوں نے کہا کہ بلین ٹری منصوبے کا آڈٹ عالمی ادارے ورلڈ وائلڈ فاو¿نڈیشن نے کیا ہے جس میں ہماری کامیابی کا تناسب 83 فیصد بتایا گیا ہے۔
Monthly Archives: April 2017
وزیراعظم نواز شریف کی طبیعت اچانک ناساز
لاہور(مانیٹرنگ ڈیسک) وزیراعظم نواز شریف کی طبیعت اچانک ناساز ہو گئی جس کے باعث ان کا اسپتال میں طبی معائنہ بھی کیا گیا۔ وزیراعظم نواز شریف کے پیٹ میں اچانک تکلیف اٹھی جس کے باعث انہیں فوری طور پر لاہور کے ایم ایم عالم روڈ پر واقع اسپتال میں لے جایا گیا جہاں ان کا سی ٹی اسکین اور دیگر ٹیسٹ بھی کئے گئے۔ ذرائع کا کہنا ہے کہ وزیراعظم نواز شریف کی تمام میڈیکل رپورٹس نارمل ہیں۔
امام کعبہ کی پاکستان آمد, دیکھئے بڑی خبر
پشاور(آن لائن) امام کعبہ عبدالرحمن السدیس جمعیت اجتماع میں شرکت کیلئے 6اپریل کو پاکستان پہنچیں گے۔امام کعبہ کو حکومت پاکستان کی جانب سے سربراہ مملکت کا پروٹوکول دیا جائیگا۔نجی ٹی وی کے مطابق امام کعبہ عبدالرحمن السدیس جے یو آئی کے زیرانتظام 7 اپریل سے شروع ہونے والے اجتماع میں شرکت کیلئے 45 رکنی وفد کے ہمراہ 6 اپریل کو پاکستان پہنچیں گے۔وفد کی آمد کا باقاعدہ مراسلہ پاکستان کی وزارت داخلہ کو موصول ہو چکا ہے جو ہیلی کاپٹر کے ذرریعے پنڈال جائیں گے جس کیلئے پہلے ہی پنڈال کے قریب 3 ہیلی پیڈز تیار ہو چکے ہیں۔ وفد میں سعودی عرب کے وزیر برائے مذہبی امور بھی شامل ہوں گے۔
اندھیر نگری چوپٹ راج ،ڈاکٹر عاصم کی بیرون ملک پرواز
کراچی (خصوصی رپورٹ) باوثوق ذرائع کے مطابق پیپلز پارٹی کے رہنما اور سابق وفاقی وزیر ڈاکٹر عاصم حسین ضمانت پر رہائی کے بعد جلد بیرون ملک روانہ ہو جائیں گے۔ حکومت نے فوجی عدالتوں کے حق میں ووٹ دینے کے عوض پیپلز پارٹی کے ساتھ کی گئی ڈیل کا ایک اور وعدہ پورا کر دیا ہے۔ جس کے تحت طبی بنیاد پر ڈاکٹر عاصم کی ضمانت کے فیصلے کو چیلنج نہیں کیا گیا ہے۔ حکومتی حلقوں سے قریبی تعلق رکھنے والے ذرائع نے بتایا ہے کہ کرپشن کے حوالے سے نیشنل ایکشن پلان تحت اب سندھ میں مزید کوئی کارروائی ہونے کا امکان نیہں ہے۔ بلکہ سابق آرمی چیف جنرل راحیل شریف کی اس پالیسی کو بھی خاتمہ ہو گیا ہے، جس میں کہا گیا تھا ہ مالیاتی کرپشن اور دہشت گردی کا چولی دامن کا ساتھ ہے اور دہشت گردی پر قابو پونے کیلئے کرپشن کا خاتمہ ضروری ہے۔ ذرائع کا کہنا ہے کہ اس ضمن میں حکومت کی ترجیحات تبدیل ہونے سے کراچی آپریشن کے منطقی انجام تک پہنچنے کے امکانات بھی کم ہوتے جا رہے ہیں۔واضح رہے کہ بدھ کے روز سندھ ہائی کورٹ کے جسٹس آفتاب احمد گورایہ نے سابق وفاقی وزیر پٹرولیم ڈاکٹر عاصم حسین کی طبی بنیادوں پر ضمانت منظور کر لی ہے اور یہ حکم جاری کیا ہے ڈاکٹر عاصم حسین 50 لاکھ روپے کے ضمانتی بانڈز اور اپنے پاکستانی و کینیڈین پاسپورٹ بھی عدالت کے ناظر کے پاس جمع کرائیں۔ ڈاکٹر عاصم حسین کے وکیل انور منصور خان نے عدالت میں دائر کی گئی درخواست ضمانت میں موقف اختار کیا تھا کہ ان کے موکل کی صحت بہت خراب ہے اور ڈاکٹروں کی ہدایت کے مطابق انہیں علاج اور آرام کی ضرورت ہے۔ جبکہ اس وقت بھی ڈاکٹر عاصم حسین قومی ادارہ امراض قلب میں زیر علاج ہیں۔ ذرائع کے مطابق وفاقی حکومت کی جانب سے ایک ماہ کے دوران پیپلزپارٹی کو یہ چوتھا ریلیف دیاگیا ہے۔ فروری کے آخر میں ماڈل ایان علی کو ملک سے باہر جانے کی اجازت دی گئی، حالانکہ جس کسٹم آفیسر نے اس کے سامان میں سے اسلام آباد ایئر پورٹ پر 14 اپریل 2015ءکو 5 لاکھ سے زائد امریکی ڈالر برآمد کئے تھے ، اسے دن دیہاڑے قتل کر دیا گیا اور اس کے قاتل بھی ابھی تک نہیں گرفتار ہوئے ہیں۔ ذرائع کے بقول ایال علی کو ملک سے باہر جانے اجازت دیکر آصف علی زرداری کو یقین دلایا گیا کہ وہ حکومت کے ساتھ تعاون تو ان کی دیگر مشکلات کو بھی دور کیا جائے گا۔ ایان علی اور علامہ حامد سعید کاظمی دونوں کے وکیل پیپلز پارٹی کے رہنما سابق گورنر پنجاب عبدالظیف کھوسہ تھے۔ ذرائع کے مطابق ڈیل کے تحت ہی خلیجی ملک سے پی پی رہنما شرجیل میمن کو بلا کر حراست میں لیا گیا اور پھر رہا کر دیا گیا۔ جبکہ ان کیخلاف 15 ارب روپے کی کرپشن کے الزامات ابھی تک موجود ہیں۔ تیسرا معاملہ سابق وزیر مذہبی امور علامہ حامد سعید کاظمی کی حج کرپشن کیس سے باعزت بریت ہے ۔ کیونکہ حکومت نے اس کیس کی کوئی پیروی ہی نہیں کی اور نہ ہی بریت کے فیصلے کو چیلنج کیا گیا۔ اب ڈاکٹر عاصم کی رہائی بھی اس ڈیل کا نتیجہ ہے۔ ان کیخلاف نیب نے کرپشن کے وہ مقدمات قائم کئے تھے۔ ڈاکٹر عاصم حسین پر الزام ہے کہ اپنے دور وزارت میں انہوں نے 462 ملین روپے کی خود بروکی اور اپنے اختیارات کا ناجائز استعمال کیا۔ یہ بھی کہا جا رہا تھا کہ اس کرپشن کے تانے بانے سابق صدر آصف علی زرداری سے جا کر ملتے ہیں۔ذرائع کے مطابق حکومت کسی بھی وقت عدالت سے کیس واپس لے کر ڈاکٹر عاصم کو پاسپورٹ واپس کر سکتی ہے اور انہیں بھی ایان علی کی طرح ملک سے باہر جانے کی اجازت دی جا سکتی ہے۔ ذرائع کے بقول 2018ءکے انتخابات کے حوالے سے حکومت اور پیپلز پارٹی کے درمیان یہ ڈیل ہوئی ہے کہ اب کسی تیسری سیاسی قوت کو نہیں ابھرنے دیا جائے گا، تا کہ مقابلہ پیپلز پارٹی اور مسلم لیگ ”ن“ کے درمیان ہی رہے اور دینی قوتوں کو بھی ابھرنے کا موقع نہ مل سکے۔
پاک فوج میں اعلیٰ سطح پر تقرر وتبادلے
راولپنڈی(ویب ڈیسک) پاک فوج میں میجر جنرل اظہر صالح عباسی کو لیفٹیننٹ جنرل کے عہدے پر ترقی دے کر انہیں کور کمانڈر منگلا تعینات کردیا گیا ہے۔پاک فوج کے شعبہ تعلقات عامہ (آئی ایس پی آر) کے مطابق میجر جنرل اظہر صالح عباسی کو میجر جنرل سے لیفٹیننٹ جنرل کے عہدے پر ترقی دے دی گئی، میجر جنرل اظہر صالح عباسی کو کور کمانڈرمنگلا تعینات کردیا گیا ہے جب کہ اس سے قبل وہ چیف آف جنرل اسٹاف جی ایس برانچ جی ایچ کیو کی حیثیت سے خدمات سرانجام دے رہے تھے۔
جماعت اسلامی کے مظاہرے پر پولیس کا دھاوا, اہم رہنماﺅں سمیت درجنوں گرفتاریاں
کراچی (وقائع نگار+ مانیٹرنگ ڈیسک) احتجاج، دھرنا، ہنگامہ آرائی، شیلنگ، ہوائی فائرنگ، کراچی کی شارع فیصل، شاہراہ قائدین اور نیو ایم اے جناح روڈ میدان جنگ بن گئیں۔ جماعت اسلامی کے کارکن اور پولیس آمنے سامنے آگئے، بجلی مہنگی کرنے اور لوڈشیڈنگ کے خلاف دھرنے کے اعلان پر پولیس ایکشن میں آگئی۔ادارہ نور حق سے حافظ نعیم الرحمان سمیت درجنوں افراد کو گرفتار کرلیا گیا، مظاہرین کو منتشر کرنے کے لیے پولیس نے ہوائی فائرنگ اور آنسو گیس کی شیلنگ کی جبکہ کارکنوں نے پولیس پر پتھراﺅ کیا،کامیاب مذاکرات کے بعد شارع فیصل پر ٹریفک بحال ہوگئی جبکہ حافظ نعیم الرحمان کو رہا کردیا گیا۔ جماعت اسلامی کراچی کے امیر حافظ نعیم الرحمان کی متعدد کارکنوں کے ساتھ گرفتاریوہ واقعہ تھا جس کے بعد کراچی میں احتجاجی مظاہروں، دھرنوں، جلاﺅ گھیراﺅ، پتھراﺅ، شیلنگ اور ہوائی فائرنگ کا نہ ر±کنے والا سلسلہ شروع ہوگیا۔ اس سے پہلے حافظ نعیم الرحمان نے ادارہ نور حق میں میڈیا سے گفتگو کی اور الزام لگایا کہ کے الیکٹرک نے زائد بلنگ کے ذریعے کراچی کے شہریوں سے اربوں روپے لوٹے، فیول ایڈجسٹمنٹ کے نام پر 62 ارب روپے وصول کئے،غریب عوام کی کمر بل بھربھر کے ٹوٹ چکی مگر اقتدار میں بیٹھے لوگ اس ناجائز آمدنی میں سے اپنا حصہ وصول کر کے خاموش ہیں۔ حافظ نعیم الرحمان کا کہنا تھا کہ وہ اس زیادتی کے خلاف شارع فیصل پرپرامن احتجاج کرنا چاہتے تھے تاہم جماعت اسلامی کے کارکنوں نے جیسے ہی آگے بڑھنے کی کوشش کی، پولیس حرکت میں آگئی۔ شدید مزاحمت اور ہاتھا پائی کے باوجود پولیس حافظ نعیم الرحمان اور جماعت اسلامی کے متعدد کارکنوں کو گرفتار کرکے لے گئی، اس کے ساتھ ہی نیو ایم اے جناح روڈ سے شروع ہونے والا احتجاج، دیکھتے ہی دیکھتے شارع فیصل تک پھیل گیا۔ مظاہرین نے پیپلز سیکریٹریٹ چورنگی پر دھرنا دیا اور ٹائر جلا کر شاہراہ قائدین بلاک کردی، اس دوران پولیس شیلنگ کرتی رہی۔ شارع فیصل پر احتجاج کی شدت زیادہ شدید رہی، جہاں پولیس نے جماعت اسلامی کے احتجاجی کیمپ کو ا±کھاڑ پھینکا اور 3کارکنوں کو گرفتار کر لیا، تاہم شام کے وقت جماعت اسلامی کے کارکنوں کی بڑی تعداد شارع فیصل پہنچ گئی اور دھرنا دے کر دونوں ٹریک بند کر دیئے۔ اس دوران پولیس اور مظاہرین کافی دیر تک آمنے سامنے رہے، ایک طرف سے پتھراﺅ کیا گیا تو دوسری طرف سے شیلنگ اور کبھی کبھی ہوائی فائرنگ بھی کی گئی۔دھرنے کے باعث شارع فیصل پر ٹریفک کئی گھنٹے معطل رہا اور کام سے گھر جانے والے ہزاروں شہری بدترین ٹریفک جام میں پھنسے رہے۔رات 8بجے کے قریب پولیس سے مذاکرات کے بعد مظاہرین ایک طرف ہٹ گئے اور شارع فیصل پر ٹریفک کی روانی بحال ہوگئی، دوسری جانب حافظ نعیم الرحمان کو بھی رہا کردیا گیا ہے۔حافظ نعیم الرحمان نے جماعت اسلامی کے کارکنوں سے اپیل بھی کی کہ شارع فیصل اور دیگر سڑکوں پر ٹریفک میں پھنسی ہوئی گاڑیوں کو رش سے نکلنے میں رہنمائی اور مدد کریں۔جماعت اسلامی کے ترجمان کا کہنا ہے کہ جماعت اسلامی کا دھرنا پر امن تھا لیکن حکومتی اقدامات سے حالات خراب ہوئے، تاہم شارع فیصل پر دھرنے کے دوران کسی گاڑی کو نقصان پہنچا اور نہ ہی شیشہ ٹوٹا۔ امیر جماعت اسلامی سراج الحق نے کہا ہے کہ کراچی میں سڑکیں ہم نے نہیں انتظامیہ نے بلاک کی تھیں۔ پرامن دھرنے کی کوشش پر ہمارے خلاف ایکشن لیا گیا، عوامی مسائل کے حل کے لئے جدوجہد جاری رکھیں گے۔ نجی ٹی وی سے بات چیت کرتے ہوئے انہوں نے کہا کہ کراچی میں اووربلنگ بہت بڑا مسئلہ ہے جس نے غریب عوام کی نیندیں اڑا دی ہیں۔ جماعت اسلامی نے احتجاج کرنے کا بہت پہلے بتا دیا تھا۔ دوسری طرف امیر جماعت اسلامی سندھ معراج الہدیٰ صدیقی نے کہا ہے جماعت اسلامی کراچی کے رہنماﺅں اور کارکنان کی گرفتار قابل مذمت ہیں، احتجاجی کارکنوں کو فوری رہا نہ کیا گیا تو احتجاج کا دائرہ ملک بھر میں وسیع کریں گے جماعت اسلامی کے کارکنان سندھ حکومت کے لئے لوہے کے چنے ثابت ہوں گے۔ معراج الہدیٰ صدیقی کا کہنا تھا کہ کے الیکٹرک کراچی کے عوام کو لوڈ شیڈنگ اور اضافی بلوں کے ذریعے تنگ کر رہی ہے۔ گھی جب سیدھی انگلیوں سے نہ نکالا جائے تو ٹیڑھا پن دکھایا جاتا ہےمسلم لیگ نواز کے سینیٹر نہال ہاشمی کا کہنا تھا کہ جماعت اسلامی کے رہنماﺅں کی گرفتاری انتہائی جابرانہ اور ظالمانہ کارروائی ہے، مسلم لیگ ن جمہوری اقدار پر یقین رکھتی ہے سندھ حکومت کرپٹ لوگوں کوسونے کے تاج پہنا رہی ہے، کارکنوں کی گرفتاری کی بجائے کراچی کا کچرا اٹھایا جائے۔عوامی معاملات اور کے الیکٹرک کے خلاف ن لیگ بھی جماعت اسلامی کے ساتھ مل کر احتجاج کرے گی۔ پاکستان تحریک انصاف کے رہنماءعارف علوی کا کہنا تھا کہ جماعت اسلامی کا احتجاج جائز ہے اس معاملے کو ہینڈل کیا جائے،کے الیکٹرک نے بجلی کے کھمبوں کی تاریں تک بیچ دی ہیں،کراچی کے حقوق کے لئے جنگ میں تحریک انصاف بھی جماعت اسلامی کا ساتھ دے گی۔ کراچی الیکڑک کے خلاف شارع فیصل جماعت اسلامی اور پولیس کے درمیان میدان جنگ کا منظر پیش کر رہا ہے، پولیس جماعت اسلامی کے کارکنان پر اندھا دھند شیلنگ کر رہی ہے جبکہ جماعت کے کارکنوں کی جانب سے بھی پولیس پر پتھراﺅ کا سلسلہ جاری ہے۔
وزیراعلیٰ کی کور کمانڈر لاہور سے ملاقات, بڑا اعلان جاری
لاہور (اپنے سٹاف رپورٹر سے) وزیراعلی نجاب محمد شہبازشریف سے سینٹ فنکشنل کمیٹی برائے ڈیولیشن (Devolution)کے وفدنے چیئرمین سینیٹر میر کبیر احمد شاہی کی قیادت میں ملاقات کی اور سینیٹر کے وفد نے پنجاب میںہونے والے شاندار ترقیاتی کام پر شہبازشریف کی تعریف کی اور ان کے اقدامات کوقابل تقلید قرار دیا-سینٹ کمیٹی کے وفد میں سینیٹر کرنل (ر) سید طاہرحسین مشہدی ، سینیٹر تاج حیدر، سینیٹر عثمان خان کاکڑ اور سینیٹر سردار اعظم خان موسی خیل شامل تھے-اس موقع پر گفتگو کرتے ہوئے سینیٹر کبیر احمد شاہی نے کہاکہ اختیارات کو نچلی سطح پر منتقل کرنے کے حوالے سے پنجاب حکومت نے دیگر صوبوں کے مقابلے میں بہتر انداز میں کام کیا ہے اور18ویں ترمیم کے بعد وزیراعلی شہبازشریف کی قیادت میں پنجاب حکومت نے اختیارات کی نچلی سطح پر منتقلی کے لئے نمایاں کام کیاہے-سینیٹر کرنل (ر) سید طاہرحسین مشہدی نے کہا کہ پنجاب میں ہونے والے شاندار کام کا کریڈ ٹ وزیراعلی شہبازشریف کی ولولہ انگیز قیادت کو جاتا ہے اور پنجاب میں جو غیر معمولی کام ہوئے ہیں اس کے پیچھے اصل قوت محرکہ شہبازشریف کی قیادت ہے – تعلیم اور صحت کے میدان میں شہبازشریف نے بے مثال اور انقلابی نوعیت کے اقدامات کئے ہیں-سینیٹر تاج حیدر نے کہاکہ تعلیم کے میدان میں پنجاب حکومت کی پیشرفت سے بہت متاثر ہو ں،جس طرح آپ نے آج داخلہ مہم کا آغاز کیاہے دیگر صوبوں کو بھی اس کی تقلید کرنی چاہےے- ہیلتھ کیئر کمیشن کے قیام کے حوالے سے آپ نے بہترین قانون سازی کی ہے -ہم یہ ماڈل سندھ میں لانا چاہتے ہیں-سینیٹر عثمان خان کاکڑ نے کہاکہ پنجاب حکومت نے اختیارات کو نچلی سطح پر منتقل کرنے کے لئے حقیقی معنوں میں شاندار کام کیاہے اوروزیراعلی شہبازشریف کی قیادت میں پنجاب حکومت نے تعلیم اور صحت کے میدان میں نمایاں کارکردگی دکھائی ہے جو دیگر صوبوں کے لئے قابل تقلید ہے-سینیٹر سردار اعظم خان موسی خیل نے کہاکہ وزیراعلی شہبازشریف نے 18ویں ترمیم کے بعد اختیارات کی نچلی سطح پر منتقلی کے حوالے سے بڑے اچھے انداز میں پیشرفت کی ہے اورمیںان کے غیر معمولی کاموں کی تحسین کرتا ہوں -وزیراعلی پنجاب محمد شہبازشریف نے وفد سے گفتگو کرتے ہوئے کہاکہ پاکستان ہم سب کا ہے ہمیں ایک دوسرے کے تجربے اور مہارت سے فائدہ اٹھانا چاہےے- پاکستان اسی وقت ترقی کرے گا جب چاروں صوبے ایک ساتھ آگے بڑھیں گے -انہوں نے کہاکہ چاروں صوبوں میں اقتصادی ، معاشی اور دیگر شعبوں میں تعاون ہونا چاہےے-جب چاروں صوبوں میں خوشحالی نظر آئے گی تو پاکستان خوشحال ہوگا – انہوں نے کہاکہ این ایف سی ایوارڈ کو حاصل کرنے کے لئے پنجاب حکومت نے اپنے حصے کے سالانہ 11ارب روپے دئےے-انہوں نے کہا کہ ڈکٹیٹر مشرف 10برس تک این ایف سی ایوارڈ حاصل نہ کر سکا- سیاسی شعور رکھنے والے لوگوں نے ایثار ، خلوص اور محبت کے ساتھ یہ ایوارڈحاصل کیا-آئندہ بھی اسی جذبے کے ساتھ کام کرنا ہوگا-انہوں نے کہاکہ پنجاب حکومت نے تعلیم اور صحت کے میدان میں بعض انقلابی نوعیت کی اصلاحات متعارف کرائی ہیں-کئی برسوں کے جمود کو توڑنے کے لئے انفرادیت اور جدت کے ساتھ کام کرنا پڑتا ہے-وزیراعلی نے کہاکہ مریضوں کو ہسپتالوں میں علاج اوردوائی چاہےے ، ہڑتال یا احتجا ج نہیںاوراس ضمن میں پنجاب حکومت نے کڈنی ہسپتال ملتان کی مینجمنٹ انڈس گروپ کے حوالے کی ہے- انہو ںنے کہا کہ پنجاب کے ہرتعلیمی پروگرام میں دیگر صوبوں کے طلبا وطالبات کوشامل کیا گیاہے -بلوچستان کے طلبا وطالبات کا کوٹہ پنجاب کے تعلیمی اداروں میں بڑھایا گیاہے اور ہمارا یہ اقدام قومی یکجہتی او ربھائی چارے کو فروغ دے رہاہے -لسانی بنیادوں پر تفریق پیداکرنے کی کوشش کرنے والے ملک سے ناانصافی اور دشمنی کر رہے ہیں-انہوں نے کہاکہ پاکستان ہماراہے اور ہمیں سب کو ملکر اسے آگے لے کر جانا ہے۔ وزیراعلیٰ پنجاب محمد شہبازشریف سے کور کمانڈر لاہور لیفٹیننٹ جنرل صادق علی نے ملاقات کی جس میں پیشہ ورانہ امور، سکیورٹی معاملات اور آپریشن ردالفساد پر ہونے والی پیش رفت پر تبادلہ خیال کیا گیا۔ وزیراعلیٰ پنجاب اور کور کمانڈر لاہور نے دہشت گردوں اور ان کے معاونت کاروں کے خلاف آپریشن ردالفساد کے تحت جاری کارروائیوں پر اطمینان کا اظہار کیا۔ ملاقات میں دہشت گردی، انتہاپسندی، عسکریت پسندی اور فرقہ واریت کے مکمل خاتمے کے عزم کا اعادہ کیا گیا اور آپریشن ردالفساد کے تحت فسادیوں کے خلاف آپریشن مزید تیز کرنے پر اتفاق ہوا۔ وزیراعلیٰ شہبازشریف نے دہشت گردی کے خلاف جنگ میں پاک افواج کے افسروں اور جوانوں کی عظیم قربانیوں کو خراج تحسین پیش کیا۔ انہوں نے شہید پولیس افسروں ، اہلکاروں اور زندگی کے مختلف شعبوں سے تعلق رکھنے والے افراد کی لازوال قربانیوں کو بھی خراج تحسین پیش کیا۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ دہشت گردی کے خلاف جنگ پاکستان کی بقا کی جنگ ہے اور قوم کے بہادر سپوتوں کی عظیم قربانیوں کی بدولت پاکستان یہ جنگ جیت رہا ہے۔عظیم اور لازوال قربانیوں کے باعث پاکستان میں امن بحال ہو رہا ہے۔انہوں نے کہا کہ دہشت گردی، انتہاپسندی، عسکریت پسندی اور فرقہ واریت کے مائنڈسیٹ کو بھی پوری قوت سے کچلنا ہے۔دہشت گردوں اور ان کی پشت پناہی کرنے والوں کے مذموم عزائم کو کسی صورت کامیاب نہیں ہونے دیا جائے گا۔ انہوں نے کہا کہ پاکستان کے محب وطن اور دلیر عوام کا عزم انتہائی مضبوط ہے۔دہشت گردی کے خلاف جنگ میں سیاسی و عسکری قیادت سمیت پوری قوم ایک صفحے پر ہے۔پاکستان کی بہادر مسلح افواج نے دہشت گردی کے خلاف جنگ میں جرا¿ت کی نئی تاریخ رقم کی ہے۔پاک افواج اندرونی اور بیرونی چیلنجز سے نمٹنے کی پوری صلاحیت رکھتی ہیں۔ انہوں نے کہا کہ پاکستان نے دہشت گردی کے خلاف جنگ میں بے مثال کامیابیاں سمیٹی ہیں۔آپریشن ردالفساد سے وطن عزیز سے دہشت گردی اور انتہاپسندی کے ناسور کا مکمل خاتمہ ہوگا اور پائیدار امن قائم ہوگا۔انہو ںنے کہا کہ ہماری بقا دہشت گردی کے خاتمے میں ہی مضمر ہے اور پوری قوم اس مقصد کے حصول کیلئے یکجا ہے۔نیشنل ایکشن پلان پاکستان میں امن کی ضمانت ہے۔سیاسی و عسکری قیادت کے متفقہ فیصلوں کے مثبت نتائج سامنے آئے ہیں۔ دہشت گردی کے خلاف جنگ میںدنےا بھی پاکستان کی عظیم قربانیوں کی معترف ہے اور پاکستان کی عظیم قربانیوں کو دنیا بھر میں سراہا جا رہا ہے۔ انہوں نے کہا کہ قائد اعظم محمد علی جناحؒ کے پاکستان میں آگ اور خون کا کھیل بند کراکے دم لیں گے اور اس کیلئے آخری حد تک جائیں گے کیونکہدہشت گردی، انتہاپسندی اور فرقہ واریت پاکستانی عوام کا مقدر نہیں۔آخری دہشت گرد کے خاتمے تک یہ جنگ جاری رہے گی اورمعصوم لوگوں کی زندگیوں سے کھیلنے والے عبرتناک انجام سے نہیں بچ پائیں گے۔ انہوں نے کہا کہ دشمن جو ناپاک سازش کر رہا ہے، اسے اجتماعی کاوشوں سے ناکام بنائیں گے۔وزےراعلیٰ پنجاب محمد شہبازشرےف سے سےنےٹر عطاءالرحمن نے ملاقات کی ۔وزےراعلیٰ نے اس موقع پر گفتگو کرتے ہوئے کہا کہ وزےراعظم نوازشرےف کی قےادت مےں حکومتی پالےسےوں کے باعث معےشت مےں نماےاں بہتری آئی ہے اورملک مےں سرماےہ کاری کے فروغ اورمعاشی سرگرمےوں کے بڑھنے سے روزگار کے لاکھوں نئے مواقع پےدا ہوئے ہےں ۔ انہوںنے کہا کہ پنجاب مےں جدےد انفراسٹرکچر نے سرماےہ کاری کے مواقع بڑھائے ہےں۔انہوںنے کہا کہ پاکستان مسلم لےگ(ن) کی حکومت عوام سے کےے گئے وعدے پورے کر رہی ہے۔ ترقی کے مخالفےن کی رکاوٹوں کے باوجودملک کی ترقی کا سفر تےزی سے جاری ہے۔ انہوںنے کہا کہ کبھی دھرنے ،کبھی لاک ڈاو¿ن اورکبھی بے بنےاد الزامات کی سےاست کرنےوالوں کے عزائم کوباشعور عوام نے ہر بار ناکام بناےا،اس لئے قوم کے اربوں روپے بچانے والی قےادت پر بے بنیادالزامات لگانے والوں کو پہلے اپنے گریبان میں جھانکنا چاہیئے جبکہ پاکستان کے باشعور عوام نے بے بنیاد الزامات لگانے والوں کو ہر موقع پر مسترد کےا ہے اورعوام جان چکے ہیں کہ یہ شکست خوردہ عناصر پاکستان کی تیز رفتار ترقی سے خائف ہیں – وزےراعلیٰ نے کہاکہ وسائل قوم کی امانت ہےں اوراسے عوام کو سہولتوں کی فراہمی پر خرچ کرتے رہےں گے۔ مےٹروبس سسٹم اور اورنج لائن مےٹروٹرےن جےسے منصوبے وسائل عوام پر صرف کرنے کی اعلیٰ مثالےں ہےں۔ مےٹروبس سسٹم کی زبردست پذےرائی درحقےقت کامےاب منصوبے کےلئے عوام کی گواہی ہے ۔مےٹروبس سروس کے جدےد نظام کے ذرےعے روزانہ لاکھوں افراد بروقت اپنی منزل پر پہنچ رہے ہےں ۔جدےد مےٹروبس سسٹم نے عوام کےلئے آمد و رفت مےں آسانےاں پےدا کی ہےں۔مفاد عامہ کے منصوبوں پربلاجواز تنقےد کرنےوالے عوام کی ترقی اورخوشحالی کے دشمن ہےں اورعام آدمی کی فلاح و بہبود کے منصوبوں مےں رکاوٹےں کھڑی کرنےوالوں کو غرےب عوام کی محرومیوں کا خاتمہ برداشت نہےں۔انہوںنے کہا کہ مےٹروبس سروس کے نظام پرتنقےد کرنے والوں کی زبانےں منصوبے کی کامےابی پر بند ہوچکی ہےں ۔ وزیراعلیٰ پنجاب محمد شہباز شریف سے پرنس آف وےلز،برطانےہ کے سےنئر مشےر محمد امرسی (Mohammad Amersi) نے ملاقات کی ۔پرنس آف وےلز کے سےنئر مشےرنے تعلےم ،صحت اوردےگر سماجی شعبوں کی بہتری کےلئے جامع اصلاحات پروزےراعلیٰ شہبازشرےف کی غےر معمولی کارکردگی کی تعرےف کی۔ سےنئر مشےر محمد امرسی نے وزےراعلیٰ شہبازشرےف سے گفتگو کرتے ہوئے کہا کہ آپ نے تعلےم ،صحت اوردےگر سماجی شعبوں کی بہتری کےلئے نماےاں کام کےا ہے اورپنجاب مےں ترقی اورخوشحالی دےکھ کر دلی خوشی ہوئی ہے ۔انہوں نے صوبہ پنجاب کی ترقی و خوشحالی کےلئے کےے جانےوالے مثالی اقدامات پروزےراعلیٰ شہبازشرےف کی کارکردگی کو خراج تحسےن پےش کرتے ہوئے کہا کہ آپ کی قےادت مےں پنجاب حکومت نے صوبے کے عوام کی فلاح وبہبود کےلئے بہترےن اقدامات کےے گئے ہےںاور آپ کی قےادت مےں پنجاب آگے کی جانب بڑھ رہا ہے ۔وزےراعلیٰ شہباز شرےف نے اس موقع پر گفتگو کرتے ہوئے کہا کہ تعلےم ترقی اورخوشحالی کا زےنہ ہے اورپنجاب حکومت نے تعلےم کو اپنی اولےن ترجےح بناےا ہے ۔انہوںنے کہا کہ برطانےہ اور پاکستان مےںبہترےن تارےخی تعلقات موجود ہےںاوردونوں ملک ترقی اورخوشحالی کے سفر مےں اہم شراکت دارہےںاور وزےراعظم نوازشرےف کے دور مےں پاکستان اوربرطانےہ کے درمےان تعلقات مےں اضافہ ہوا ہے۔United We Rechکی اےگزےکٹو ڈائرےکٹر صباحت رفےق بھی اس موقع پر موجود تھیں۔ وزیراعلیٰ پنجاب محمد شہباز شریف سے بحرین مےں پاکستان کے سفیر جاوید ملک نے ملاقات کی ،ملاقات مےںباہمی دلچسپی کے امور اور غیرملکی سرمایہ کاروں کیلئے سہولتوں کی فراہمی کے حوالے سے اقدامات پر تبادلہ خیال کےاگےا۔وزےراعلیٰ شہبازشرےف نے اس موقع پر گفتگو کرتے ہوئے کہا کہ وزیراعظم محمد نواز شریف کی قیادت میں ملکی و غیرملکی سرمایہ کاروں کوبہترےن سہولتےں فراہم کی گئی ہےں۔سرماےہ کار دوست ماحول کے باعث پاکستان مےں سرماےہ کاری مےں اضافہ ہوا ہے ۔انہوںنے کہا کہ حکومت کی ٹھوس پالیسیوں کے باعث غیرملکی سرمایہ کاروں کا اعتماد بحال ہوا ہے۔ ملک مےں بڑھتی ہوئی سرماےہ کاری غےر ملکی سرماےہ کاروں کا حکومتی پالےسےوں پر اظہار اعتماد ہے ۔انہوںنے کہا کہ سی پےک کے تحت اربوں ڈالر کی سرماےہ کاری نے پاکستان مےں غےر ملکی سرماےہ کاری کے دروازے کھول دےئے ہےں۔پنجاب مےں زراعت،لائےوسٹاک،توانائی اوردےگر شعبوں مےں سرماےہ کاری کی بے پناہ گنجائش موجود ہے ۔صوبے مےں سرمایہ کاری کو فروغ دینے کیلئے سازگار ماحول فراہم کیا گیا ہے۔ وزےراعلیٰ پنجاب محمد شہبازشرےف نے آل پاکستان نیوز پیپرزسوسائٹی(اے پی این ایس) کے انتخابات میں نومنتخب صدر سرمدعلی ، سیکرٹری جنرل عمر مجیب شامی، سینئر نائب صدرقاضی اسد عابد ، نائب صدر مہتاب خان، جوائنٹ سیکرٹری ایس ایم منیر جیلانی اور فنانس سیکرٹری وسیم احمدکو مبارکباد دی ہے۔وزیراعلیٰ نے اپنے تہنیتی پیغام میںنومنتخب عہدیداران کیلئے نیک خواہشات کا اظہار کرتے ہوئے کہا ہے کہ امیدہے کہ آل پاکستان نیوز پیپرزسوسائٹی کے نومنتخب عہدیداران میڈیا انڈسٹری کی بہتری کیلئے اپنا موثر کردار جاری رکھیں گے اور میڈیا انڈسٹری کے مسائل کے حل کیلئے اپنا بھرپور کردار ادا کریں گے۔ وزیراعلیٰ نے کہا کہ پاکستان مسلم لیگ (ن) کی حکومت آزادی صحافت اور آزادی اظہار پر یقین رکھتی ہے۔ وزیراعلیٰ پنجاب محمد شہباز شریف نے ٹی 20 میچ میں ویسٹ انڈیز کےخلاف مسلسل دوسری کامیابی پر قومی کرکٹ ٹیم کو مبارکباد دی ہے۔
سرفراز دھوکا نہیں دیگا …. کپتان نے نیا قومی ریکارڈبنا کر اپنے نام کی لاج رکھ لی
لاہور (ویب ڈیسک )قومی کرکٹ ٹیم کے کپتان و وکٹ کیپر بیٹسمین سرفراز احمد نے ٹی ٹوئنٹی میں مسلسل چھٹی فتح حاصل کی اور مصباح الحق کی لگا تار5 فتوحات سے آگے نکل گئے۔سرفراز احمد نے بطور کپتان صلاحیتوں کا لوہا منوا لیا۔سرفراز احمد کی کی قیادت میں پاکستان نے مسلسل چھ میچز جیت کر نیا قومی ریکارڈ قائم کردیا۔پاکستان کی جانب سے شاہد آفریدی نے سب سے زیادہ 43میچز میں کپتانی کی اور 19 فتوحات23 ناکامیاں بھی پائیں۔ مصباح الحق نے8 میچوں میں 6 جیتے اور2 ہارے۔ انہوں نے مسلسل 5 میچز جیت کر پاکستانی ریکارڈ قائم کیا تھا۔سرفراز احمد نے مانچسٹر میں انگلینڈ کے خلاف اپنی کپتانی کے پہلے میچ میں 9 وکٹ سے کامیابی حاصل کی، متحدہ عرب امارات میں ویسٹ انڈیز کے خلاف گزشتہ سیریز میں کلین سوئپ کیا۔دبئی کاپہلا میچ 9 وکٹ سے جیتا۔ دوسرے میچ میں 16 رنز سے کامیابی نے ان کے قدم چومے۔ ابوظہبی میں تیسرے میچ میں 8 وکٹ سے سرخرو ہوئے تھے۔موجودہ سیریز میں برج ٹاون میں پہلے میچ میں 6 وکٹ سے پاکستان کو فتح دلائی اور ٹرینیڈاڈ میں دوسرے میچ میں سنسنی خیز مقابلے کے بعد تین رنز سے کامیابی حاصل کی۔
سپاٹ فکسنگ میں پی سی بی کا کیس کمزور …. حیرت انگیز انکشاف سے کرکٹ بورڈ میں ہلچل
لاہور(ویب ڈیسک )کرکٹ سے وابستہ ذرائع نے کہا ہے کہ ناصر جمشید نے پی سی بی کیساتھ تعاون نہیں کیا، سربراہ پی سی بی اینٹی کرپشن یونٹ اور جی ایم لیگل اگلے ہفتے انگلینڈ جائیں گے۔ ناصرجمشید کے تعاون نہ کرنے پر پی سی بی کا کیس کمزور پڑسکتا ہے۔کرکٹ سے وابستہ ذرائع کا کہنا ہے کہ اسپاٹ فکسنگ کیس میں پی سی بی ناصر جمشید سے تحقیقات پر انحصار کر رہا ہے، جبکہ اسپاٹ فکسنگ میں ملوث کھلاڑیوں کے خلاف ثبوت بھی ناصر جمشید سے تحقیقات پر منحصر ہیں۔ناصر جمشید نے اب تک پی سی بی کے ساتھ کوئی تعاون نہیں کیا اور ان کے تعاون نہ کرنے کے باعث پی سی بی کا کیس کمزور پڑنے کا خدشہ پیدا ہو گیا ہے۔ذرائع کے مطابق ٹریبونل میں جانے والے کھلاڑیوں کو زیادہ وقت دینے کی وجہ بھی ناصر جمشید سے تحقیقات کرنا ہے، معلوم ہوا ہے کہ پاکستان کرکٹ بورڈ اینٹی کرپشن یونٹ کے سربراہ اور جی ایم لیگل اگلے ہفتے انگلینڈ جائیں گے۔
سچن ٹنڈولکر کا کرکٹ کے بعد ایک انوکھا روپ …. مداح حیران رہ گئے
ممبئی(ویب ڈیسک )سابق بھارتی اسٹار سچن ٹنڈولکر نے کرکٹ میدانوں میں بے مثال کامیابی کے بعد موسیقی کی دنیا میں قدم رکھ دیا۔ٹنڈولکر نے معروف گلوکار سونونگم کے ساتھ نئی ڈیجیٹل اپلیکیشن کیلئے اپنی آواز میں گیت ریکارڈ کرایا، جس کے ابتدائی بول گیند آئی، بلا گھمایا، مارا چھکا، سچن، سچن، ناچو ناچو سب کرکٹ والی بیٹ پر ۔ اس کے بعد ماسٹر بلاسٹر نے سماجی رابطے کی ویب سائٹ پر اپنے ساتھ تمام 6 ورلڈ کپ کھیلنے والے کرکٹرز کا شکریہ بھی ادا کیا۔انھوں نے کہا کہ موسیقی سے آپ کو اپنے جذبات کنٹرول کرنے میں مدد ملتی ہے۔ بیٹنگ سے قبل اس کی بدولت خود کو پرسکون بھی رکھا جاسکتا ہے، میں کئی طرز کی موسیقی سے لطف اندوز ہوتا ہے ، مجھے اسپینش گیت بھی اچھے لگتے ہیں، اگرچہ میں ان کی الفاظ کو مکمل طور پر سمجھ نہیں پاتا۔
ہاتھی کے دانت کی تجارت بارے اہم اقدام منظر عام پر
نیروبی (ویب ڈیسک ) اقوام متحدہ کے ماحولیاتی پروگرام کے سربراہ ایرک سولہیم نے چینی حکومت کی طرف سے ہاتھی دانت کی فروخت اورتیار ی پر پابندی کے فیصلے کو سراہا ہے ۔انہوں نے کہا ہے کہ یہ ایک تاریخی فیصلہ ہے اور یہ ہاتھیوں کی نسل کو بچانے کے لئے اقوام متحدہ کی کوششوں میں اہم سنگ میل ثابت ہو گا ، دیگر ممالک کو بھی اس فیصلے کی تقلید کرنے کی ضرورت ہے۔ ایرک سولہیم نے چین کی سرکاری نیوزی ایجنسی کو اپنے ایک ای میل بیان میں چینی حکومت کے اس فیصلے کا خیرمقدم کرتے ہوئے کہا ہے کہ چین کی طرف سے ہاتھی دانت کی تیاری اور اس کی تجارت پر جزوی پابندی کا اعلان کرتے ہوئے 67فیکٹریاں اور ادارے بند کرنے کا جو حکم دیا ہے وہ قابل تعریف ہے جبکہ اس سال کے آخر تک یہ فیصلہ مکمل طورپر نافذ کر دیا جائے گا ۔انہوں نے کہا کہ ان قوانین کی کامیابی اس میں ہے کہ انہیں موثر طورپر نافذ کیا جائے ، چین نے ہاتھی دانت کی تجارت پر پابندی لگا کر ایک بینظیر اقدام کیا ہے اور اپنی ایک تہائی ایسی فیکٹریاں بند کرنے کا اعلان کیا ہے جہاں ہاتھی دانت تیار کئے جاتے ہیں جبکہ 105دوسری فیکٹریاں اور ادارے اس سال کے آخر تک بند کر دیئے جائیں گے ۔ہاتھی دانت بچاﺅ تحریک کے رہنماﺅں کا کہنا ہے کہ چینی حکومت کے ان اقدامات سے ہاتھی دانت کی قیمتیں کم ہو گئی ہیں ، 2014ءمیں ایک کلوگرام کی قیمت 2100امریکی ڈالر تھی جو فروری 2017ءمیں کم ہو کر 723ہو گئی ہے ۔
2018 کے انتخابات میں کس کو بری طرح شکست ہو گی ؟وزیر اعلیٰ پنجاب نے سب بتا دیا
لاہور(ویب ڈیسک ) وزیر اعلیٰ پنجاب میاں محمد شہباز شریف نے کہا ہے کہ ترقی مخالف سیاست کرنے والوں کو 2018ء کے انتخابات میں بری طرح شکست ہو گی‘ ان عناصر نے دھرنوں اور لاک ڈاﺅن سے عوامی ترقی و خوشحالی میں رکاوٹ ڈالی ‘ ترقیاتی منصوبوں کے مخالفین عوام کی خوشحالی اور ملکی ترقی نہیں چاہتے۔ بے بنیاد الزامات لگانے والوں کو پہلے اپنے گریبان میں جھانکنا چاہیے۔ یہ عناصر پہلے بھی ناکام رہے آئندہ بھی ناکام رہیں گے۔ وہ ہفتہ کو لاہور میں مسلم لیگ(ن) کے وفد سے گفتگو کر رہے تھے۔ انہوں نے کہا کہ ترقیاتی منصوبوں کے مخالفین عوام کی خوشحالی اور ملکی ترقی نہیں چاہتے۔ شفافیت اور خدمت کی سیاست نے ہمیشہ منفی سیاست کو شکست دی ہے۔ بے بنیاد الزا مات لگانے والوں کو پہلے اپنے گریبان میں جھانکنا چاہیے۔ انہوں نے کہا کہ ان عناصر کو شفاف منصوبوں کی تکمیل سے ان کی رہی سہی سیاست بھی دفن ہونے کا خوف ہے۔ ان عناصر نے دھرنوں اور لاک ڈاﺅن سے عوامی ترقی و خوشحالی میں رکاوٹ ڈالی۔ شہباز شریف نے کہا کہ ترقی مخالف سیاست کرنے والوں کو 2018ءکے انتخابات میں بری طرح شکست ہو گی۔ یہ عناصر پہلے بھی ناکام رہے آئندہ بھی ناکام رہیں گے۔
