آئی سی سی اجلاس میں بگ تھری کاقصہ تمام

دبئی(نیوزایجنسیاں) آئی سی سی کے اجلاس میں بگ تھری کا قصہ ختم کردیا گیا ہے۔آئی سی سی اجلاس میں2کے مقابلے میں 8 ووٹوں سے بگ تھری کے خلاف فیصلہ کیا گیا۔تفصیلات کے مطابق آئی سی سی کے دبئی میں ہونے والے اجلاس کے دوران آئی سی سی بورڈ میں پیسوں کی تقسیم کا مقدمہ بھارت ہار گیا ہے۔آئی سی سی کے نئے گورنرننس اور فنانشل ماڈل کو 2کے مقابلے میں8 ووٹ ملے ہیں۔نئے نظام کی ووٹنگ میں صرف سری لنکا نے بھارتی بورڈ کا ساتھ دیا۔ آسٹریلیا، انگلینڈ، نیوزی لینڈ اور جنوبی افریقہ سمیت 7 ممالک نے پاکستان کا ساتھ دیا۔ ششانک منوہر کی اضافی حصے کا معاملہ حل کرنے کی کوششیں ناکام ہو گئیں۔ بگ تھری کے تحت بھارت 570 ملین ڈالر کا حصہ لینا چاہتا تھا جس کا خاتمہ بنیوں کی نیندیں اڑائے ہوئے ہے۔ بگ تھری کا حتمی خاتمہ آئی سی سی کے آئندہ اجلاس میں ہو گا۔ آج کے اجلاس میں پاکستان کی کامیاب لابنگ کے نتیجے میں بگ تھری کی مخالفت میں آٹھ جبکہ اس کے حق میں صرف دو ووٹ آئے۔