اے بی ڈویلیئرکے بیٹے ابراہم کی نیٹ پریکٹس کی ویڈیو نیٹ پر وائرل

ممبئی (سپورٹس ڈیسک) دنیا ئے کرکٹ کے مایہ ناز کھلاڑی اے بی ڈویلیئر نے اپنے بیٹے ابراہم کو چھوٹی عمر میںہی نیٹ پریکٹس شروع کرادی ،باپ بیٹے کی ویڈیو نیٹ پر وائرل ہوئی تو سوشل میڈ یا صارفین نے دونوں کو دل کھول کر داد دی۔تفصیل کے مطابق اے بی ڈویلیئر اس وقت بھارت میں موجود ہیں اور وہ آئی پی ایل کی فرنچائز رائل چیلنجز بنگال کی طرف سے کھیل رہے ہیں۔آئی پی ایل کے حالیہ سیز ن میں اے بی ڈویلیئر نے محض تین میچوں میں 137رنز بنائے اور ان کا اسٹرائیک ریٹ بھی 141.23ہے.سٹار کرکٹر کی عمدہ پرفارمنس کا راز یہ ہے کہ وہ گرا?نڈ کو اپنا زیادہ سے زیادہ وقت دیتے ہیں اور کئی کئی گھنٹے مسلسل بیٹنگ پریکٹس کرتے ہیں۔ان ہی پریکٹس سیشنز کی ایک ویڈیو نیٹ پر وائرل ہو گئی جس میں اے بی ڈویلیئر اپنے بچے کو کرکٹ کے گڑ بھی سکھا رہے ہیں جبکہ ابراہم اپنے باپ کو نیٹ پریکٹس کرتے ہوئے دیکھ رہا ہے ،اے بی ڈویلیئر اپنے بیٹے کو آر سی بی کے نعرے بھی لگوا ر ہے ہیں ،سوشل میڈ یا صارفین نے باپ بیٹے کے ان خصوصی لمحات کی ویڈیو کو خوب سراہا۔