قومی سلیکشن کمیٹی نے قومی سکواڈکے انتخاب کےلئے سرجوڑلیے

لاہور(آئی این پی)پی سی بی سلیکشن کمیٹی نے چیمپئنز ٹرافی کی 15رکنی ٹیم سے کامران اکمل اورمحمد اصغر کو ڈراپ کرنے کا فیصلہ کرلیا جبکہ عمر اکمل اور حارث سہیل میں سے ایک کا انتخاب ہوگا،حتمی سکواڈ کا اعلان آج متوقع ہے۔منی ورلڈ کپ کے نام سے مشہور چیمپئنز ٹرافی کی ٹیم منتخب کرنے کے لئے قومی سلیکشن کمیٹی نے سر جوڑ لئے،سلیکٹرز نے پاکستان کپ پر نظریں جما لیں، کامران اکمل اور محمد اصغر کو ڈراپ کر دیا گیا ہے،عمر اکمل اور حارث سہیل میں سے ایک کا انتخاب ہوگا۔آل راو¿نڈر عامر یامین بھی امیدواروں میں شامل ہیں، وہاب ریاض،محمد عامر ،حسن علی اور جنید خان پر مشتمل باو¿لنگ اٹیک کی شمولیت یقینی ہے،سرفراز احمد ،بابر اعظم،احمد شہزاد، شاداب خان اورشعیب ملک بھی ٹیم کا حصہ ہوں گے،حتمی سکواڈ کا اعلان (آج)ہفتہ کو متوقع ہے۔