اسلام آباد (مانیٹرنگ ڈیسک)پانامہ کیس کے فیصلے کے بعد پیپلز پارٹی نے مشترکہ حکمت عملی طے کرنے کے لئے اپوزیشن جماعتوں کا ہنگامی اجلاس طلب کر لیا ہے۔ تفصیلات کے مطابق رہنماءپیپلز پارٹی اور قائد حزب اختلاف خورشید شاہ نے اپوزیشن جماعتوں کے رہنماو¿ں سے رابطہ کیا ہے۔ انہوں نے اپوزیشن جماعتوں کو پانامہ کیس کے بعد کی حکمت عملی کے لئے ہنگامی اجلاس میں شرکت کی دعوت دی ہے۔ اپوزیشن جماعتوں کا مشترکہ اجلاس کل صبح ساڑھے9بجے پارلیمنٹ پاو¿س میں ہوگاجبکہ اس اجلاس میں پیپلز پارٹی، جماعت اسلامی، پی ٹی آئی اور مسلم لیگ ق شریک ہوں گی۔ اپوزیشن جماعتوں کی جانب سے اجلاس میں آئندہ کی مشترکہ حکمت عملی پر غور کیا جائے گا۔
