صنم بلوچ اداکاری میں سب سے آگے ، ٹائٹل رول مل گیا

لاہور(کلچرل رپورٹر)گلوکارہ نازیہ حسن کی زندگی پر ڈرامہ سیریل بنانے کا فیصلہ کیا گیا ہے جس کا ٹائٹل رول اداکارہ صنم بلوچ کریں گی۔ذرائع نے بتایا ہے کہ ایک نجی ٹی وی نازیہ حسن کی زندگی پر سیریل بنانے کی تیاریوں میں مصروف ہیں جس کے ٹائٹل رول کے لئے صنم بلوچ کا انتخاب کیا گیا ہے جو کافی عرصے بعد ایکٹنگ کریں گی کیونکہ مارننگ شوکی وجہ سے وہ کافی عرصے سے ڈراموں میںکام نہیں کررہی تھیں۔ اس بارے میں مزید معلوم ہوا ہے کہ سیریل کے دیگر کرداروں کے لئے کئی سینئرفنکاروں سے بھی رابطے کئے جارہے البتہ اس سیریل کی تمام تفصیلات پوشیدہ رکھی جارہی ہیں۔