فرحان سعید سے شادی راس آگئی ،عروا پر فلموں کی بوچھاڑ

کراچی (شوبز ڈیسک)فلم نامعلوم افراد سے فلمی کیریئر کا آغاز کرنیوالی عروا حسین آج کل ٹی وی ڈراموں سے زیادہ فلمسازوں کی پہلی ترجیحات میں شامل ہوچکی ہیں گلوکار فرحان سعید سے شادی ان کو خوب راس آئی ہے اورانہیں ایک کے بعد ایک فلم کی آفر ہورہی ہے اب تک وہ ہمایوں سعید کیساتھ فلم ”میں پنجاب نہیں جاﺅنگی“، بلال اشرف اور گوہر رشید کیساتھ فلم ”رنگ ریزا“، گلوکار علی عظمت کیساتھ ” جھول “ اورفہد مصطفی کیساتھ فلم نامعلوم افرادکے سیکوئل میں کام کررہی ہیں اسکے علاوہ کئی فلموں میں بھی وہ شامل ہیں (جنکے نام ابھی نہیں رکھے گئے )۔ کہا جارہا ہے کہ عروا حسین کی پانچوں انگلیاں گھی میں اور سر کڑاہی میں ہے۔ اس حوالے سے عروا حسین کا یونی ویژن نیوز سے کہنا ہے کہ ہمیشہ ایسے پراجیکٹس میں کام کرتی ہوں جو من کو بھاتے ہیں، فلموں کے کردار کے حوالے سے ان کا کہنا تھا ابھی کچھ کہنا قبل ازوقت ہوگا امید ہے کہ فلمیں رواں برس نمائش کیلئے پیش کردی جائینگی۔