خود پر مخصوص کردار کی چھاپ نہیں لگنے دوں گی

لاہور(شوبز ڈیسک ) ٹی وی کی خوبرو اداکارہ ثناءجاوید نے کہا ہے کہ شوبز میں مثبت سوچ رکھنے والے افراد کی کمی نہیں ہے اور آپ کو پڑھے لگے اور باصلاحیت لوگ نظر آتے ہیں ،اپنے اوپر ہرگز کسی مخصوص کردار کی چھاپ نہیں لگنے دوں گی ۔ ایک انٹرویو میں انہوں نے کہا کہ میرے اندر ہر طرح کے کردار ادا کرنے کی بھرپور صلاحیت موجود ہے ،کسی بھی پراجیکٹ میں کام کرنے کی حامی بھرنے سے پہلے اپنے کردار کا باریک بینی سے جائزہ لیتی ہوں ۔میری کوشش ہے کہ میرے اوپر کسی مخصوص کردار کی چھاپ نہ لگے ۔ ثناءجاوید نے کہا کہ ٹی وی نوجوان فنکاروں کے لئے بہترین درسگاہ ہے اس کے ساتھ ہمیں سینئرز سے بھی سیکھنا چاہیے ۔