”لالہ“ نے دوسری ٹیم جوائن کرلی, دیکھئے بڑی خبر

کراچی(نیوزایجنسیاں)قومی کرکٹ ٹیم کے سابق کپتان اسٹارکرکٹر شاہد آفریدی پشاور زلمی چھوڑ کر کراچی کنگز میں شامل ہوگئے۔شاہد آفریدی نے پشاورزلمی کو چھوڑ کر کراچی کنگز میں شمولیت اختیارکرلی ہے اور وہ کراچی کنگز فرنچائز کے صدربن گئے ہیں جب کہ اس حوالے سے انہوں نے فرنچائز کے مالک سلمان اقبال کے ساتھ معاہدے پر دستخط بھی کردیئے ہیں۔سلمان اقبال نے کرکٹ اسٹار کی رہائش گاہ پر ان سے ملاقات کی تصاویر سوشل میڈیا پر شیئر کیں اور انہیں کراچی کنگز میں آمد پر خوش آمدید کہتے ہوئے کہا کہ پاکستانی کرکٹ کے لیجنڈ اور سپر اسٹار شاہد آفریدی کی کراچی کنگز میں شمولیت ہمارے لیے باعث مسرت و اعزاز ہے۔واضح رہے کہ شاہد آفریدی نے پاکستان سپر لیگ کے پہلے 2 سیزن میں پشاور زلمی کی نمائندگی کی تھی۔ پہلے سیزن میں انہوں نے کپتانی کے فرائض انجام دیئے جب کہ دوسرے سیزن میں انہوں نے خود ڈیرن سیمی کو کپتان بنانے کا کہا تھا۔