عالیہ بھٹ نے عامر خان کےساتھ کام سے انکار کردیا

ممبئی(شوبز ڈیسک)بالی ووڈ کے معروف ہیرو مسٹر پر فیکٹ کے ساتھ کون کام نہیں کرنا چاہتااور عامر کی نئی آنے والی فلم ٹھگز آف ہندوستان میں ہر ہیروئن کی کوشش ہوگی کہ وہ عامر کے مد مقابل کام کر سکیں لیکن عالیہ بھٹ نے عامر خان کے ساتھ کام کرنے سے انکار کر دیا ہے ۔ میڈیا رپورٹس کے مطابق عامر خان نے خود عالیہ کو ٹھگز آف ہندوستان میںکام کرنے کی پیشکش کی لیکن عالیہ نے صاف انکار کردیا۔ عالیہ کے مطابق میں کوئی ایسا کردار نہیں کروں گی جس میں میرا کام نہ ہونے کے برابر ہو ۔کہا جا رہا ہے کہ اگرچہ ٹھگز آف ہندوستان میں عالیہ کو کام کرنے کے لیے تو کہا گیا تھا لیکن فلم میں جو کردار عالیہ کو دیا جانا تھا وہ کچھ خاص نہیں تھا جس کی وجہ سے عالیہ نے انکار کردیا ۔ فلم ٹھگز آف ہندوستان میں عامر خان کے ساتھ امیتابھ بچن بھی کام کرہے ہیں اور فلم کے ہدایت کار وجے کرشنا ہیں ۔واضح رہے کہ پہلے اس فلم میں بطور ہیروئن شردھا کپور کا نام خبروں میں تھا۔