جاوید آفریدی نے پاکستان بلائنڈ کرکٹ کونسل کو 20 لاکھ کا چیک دیدیا

اسلام آباد (اے پی پی) چیئرمین پشاور زلمی جاوید آفریدی نے رواں برس بھارت میں منعقدہ دوسرے ٹی ٹونٹی بلائنڈ ورلڈکپ میں قومی ٹیم کی شاندار کارکردگی کے اعتراف میں پاکستان بلائنڈ کرکٹ کونسل (پی بی سی سی) کو 20 لاکھ روپے کا چیک پیش کیا۔ قومی بلائنڈ ٹیم میگا ایونٹ میں رنر اپ رہی تھی، فیصلہ کن معرکے میں اسے روایتی حریف بھارت کے ہاتھوں شکست کا سامنا کرنا پڑا تھا۔ پی بی سی سی کی طرف سے جاری کردہ پریس ریلیز کے مطابق جاوید آفریدی نے قومی بلائنڈ ٹیم کی کارکردگی کو سراہا اور کہا کہ ٹیم نے ہمیشہ انٹرنیشنل سطح پر ملک و قوم کا نام روشن کیا ہے، بلائنڈ کھلاڑیوں کی پرفارمنس جسمانی طور پر مکمل فٹ افراد کیلئے ایک مثال ہے انہیں بھی چاہیے کہ وہ ان کے نقش قدم پر چلیں۔ چیئرمین پی بی سی سی سید سلطان شاہ نے جاوید آفریدی کا شکریہ ادا کیا اور کہا کہ اسطرح کی حوصلہ افزائی سے کھلاڑیوں کا مورال بلند ہو گا اور وہ مستقبل میں مزید بہتر کارکردگی دکھانے کیلئے پر جوش ہوں گے۔ انہوں نے پشاور زلمی، ہائر اور روبا سے درخواست کی ہے کہ وہ پانچویں بلائنڈ ورلڈکپ کو سپانسر کریں، ایونٹ کی میزبانی پاکستان کر رہا ہے جو کہ متبادل مقام متحدہ عرب امارات میں کھیلا جائے گا۔ پاکستان بلائنڈ ٹیم کے ہیڈکوچ عبدالرزاق، جنرل مینجر پی بی سی سی مہر یوسف ہارون، ٹرینر طاہر محمود بٹ بھی اس موقع پر موجود