مصباح نے ٹیسٹ کرکٹ کو بھی خیر باد کہہ دیا

لاہور(ویب ڈیسک ) ٹی ٹوئنٹی اور ون ڈے کے بعد مصباح الحق نے ٹیسٹ کرکٹ سے بھی ریٹائرمنٹ کا اعلان کردیا۔لاہور میں پریس کانفرنس کرتے ہوئے قومی ٹیسٹ ٹیم کے کپتان مصباح الحق کا کہنا تھا کہ ویسٹ انڈیز کے خلاف ٹیسٹ سیریز میرے کرکٹ کیرئیز کی آخری سیریز ہو گی، کوشش ہو گی کہ اس سیریز میں بہتر پرفام کر کے اپنی آخری سیریز کو یادگار بناؤں۔ ان کا کہنا تھا کہ کیرئیر میں جتنی بھی کرکٹ کھیلی اس پر مطمئن ہوں لیکن خواب تھا کہ پاکستان کے لئے ورلڈ کپ جیتتا لیکن یہ خواب پورا نہ ہو سکا۔مصباح الحق نے کہا کہ کپتان پر کسی قسم کا دباؤ نہیں ہونا چاہیئے، ہمیں سرفراز احمد پر زیادہ دباؤ نہیں ڈالنا چاہیئے بلکہ سب کو اسے سپورٹ کرنا چاہیئے۔ ان کا کہنا تھا کہ بھارت سے سیریز نہ ہونے پر افسوس ہے لیکن ریٹائرمنٹ کے بعد کچھ عرصے تک ڈومیسٹک کرکٹ کھیلتا رہوں گا۔