پاکستان اسلامی اتحاد کا حصہ, تفصیلات بارے اہم بیان منظر عام پر!!!

اسلام آباد (مانیٹرنگ ڈیسک) وزیر دفاع خواجہ آصف نے کہا ہے کہ اس بات میں کوئی شک یا ابہام نہیں ہے کہ پاکستان سعودی عرب میں تشکیل پانے والے اتحاد کا حصہ ہے۔ جنرل (ر) راحیل شریف اس اتحاد کے تحت بننے والی فوج کی سربراہی کیلئے جارہے ہیں نجی ٹی وی سے گفتگو کرتے ہوئے خواجہ آصف نے کہا کہ 41ممالک کے اتحاد کے خدوخال ابھی طے ہونا ہیں۔ مئی میں تمام اتحادی ممالک کے وزرائے دفاع کا اجلاس ہوگا جس میں تمام تفصیلات طے کی جائیں گی۔ وزیر دفاع نے کہا کہ کوئی ابہام نہیں کہ جنرل (ر) راحیل شریف اتحادی فورس کی سربراہی کیلئے جارہے ہیں تاہم ابھی ان کے این او سی جاری ہونے کا عمل ابھی شروع نہیں ہوا۔