آئرلینڈناکام،ون ڈے سیریزافغانستان کے نام

نوئیڈا(اے پی پی) افغانستان نے رحمت شاہ اور راشد خان کی شاندار کارکردگی کی بدولت آئرلینڈ کو پانچویں اور فیصلہ کن ون ڈے انٹرنیشنل میں 7 وکٹوں سے شکست دے کر سیریز 3-2 سے جیت لی، فاتح ٹیم نے 230 رنز کا ہدف 49 ویں اوور میں 3 وکٹوں کے نقصان پر حاصل کر لیا، رحمت خان نے 108 رنز کی ناقابل شکست اننگز کھیلی، سمیع اللہ شنواری 62 رنز کے ساتھ دوسرے نمایاں بلے باز رہے، راشد خان نے 4 کھلاڑیوں کو آﺅٹ کیا، رحمت شاہ کو میچ کا بہترین پلیئر قرار دیا گیا۔ گریٹر نوئیڈا میں کھیلے گئے سیریز کے پانچویں اور آخری ون ڈے میچ میں آئرلینڈ کی ٹیم پہلے بیٹنگ کرتے ہوئے 48.1 اوورز میں 229 رنز بناکر آﺅٹ ہوگئی، پال سٹرلنگ 51 ، ایڈ جوئس 42 جبکہ کپتان ولیم پورٹر فیلڈ اور نیل اوبرائن نے 34 ، 34 رنز کے ساتھ نمایاں رہے، لیگ سپنر راشد خان نے عمدہ باﺅلنگ کا مظاہرہ کیا اور 29 رنز کے عوض 4 وکٹیں حاصل کیں۔