اسلام آباد (اے پی پی) انٹرنیشنل ٹینس فیڈریشن نے پاکستان میں ڈیوس کپ ٹائی کے مقابلوں میں انکار پر ہانگ کانگ کے خلاف انٹرنیشنل ٹریبیونل کو کیس ریفرکر دیا۔ پاکستان ٹینس فیڈریشن کے سیکرٹری محمد خالق رحمانی نے اے پی پی کو بتایا کہ پاکستان اور ہانگ کانگ کے درمیان ڈیوس کپ ٹائی اوشینا گروپ ٹو کا سیمی فائنل آئندہ ماہ 7 سے 9 اپریل تک اسلام آباد میں کھیلا جانا تھا تاہم ہانگ کانگ نے آئی ٹی ایف کو آگاہ کیا تھا کہ وہ سیکیورٹی وجوہات کی بناءپر پاکستان میں ٹائی میں شرکت نہیں کریں گے ۔
