فکسنگ سکینڈل میں ثبوت مل گئے….نجم سیٹھی پریشان

لاہور(ویب ڈیسک)پاکستان کرکٹ بورڈکی ایگزیکٹیو کمیٹی کے چیئرمین نجم سیٹھینے کہا ہے کہ پاکستان سپر لیگ کے دوسرے ایڈیشن سے ایک دو روز قبل ہمیں گڑبڑ کی رپورٹ مل گئی تھی۔ اسی لیے ہمارے لوگ بھی محتاط ہوگئے تھے۔خالد اور شرجیل کے خلاف کچھ ثابت نہ کرسکے تو ہماری بدقسمتی ہوگی اور فکسنگ معاملات میں آئی سی سی بھرپور تعاون کررہا ہے۔ محمد عرفان نے ہمارے ساتھ سب سے زیادہ تعاون کیا۔ان خیالات کا اظہار انہوںنے نجی ٹی کو انٹرویو دیتے ہوئے کیا ۔ وقت آنے پر پی ایس ایل فکسنگ کے ثبوت سب کے سامنے لائیں گے۔ اس معاملے پر میڈیا ٹرائل نہیں ہونا چاہیے۔ انہوں نے کہا کہ مجھ پر ہمیشہ مختلف الزامات لگتے رہے ہیں۔ ہم نے دنیا کو پی ایس ایل اور پھر اس کا فائنل لاہور میں کرواکے دکھایا۔ نجم سیٹھی نے مزید کہا کہ فکسنگ پر میں اور شہریار خان ایک ہی صفحے پر ہیں۔ تمام شواہد اکٹھا کرنے کے بعدہی کھلاڑیوں کے خلاف ایکشن لیا۔ایف آئی اے سے تحقیقات کرنے کا ہم نے نہیں کہا، ہم نے صرف ایف آئی اے سے ٹیلی فونک ڈیٹا کیلئے مدد مانگی تھی۔ انہوں نے کہا کہ پی سی بی کسی کھلاڑی کو جیل کی سزا نہیں دے سکتا ہے۔