زلمی کے ہاتھوں میں درہام کو35رنزسے شکست

دبئی (نیوزایجنسیاں )دبئی میں پاکستان سپر لیگ کی ٹیم پشاور زلمی نے متحدہ عرب امارات کی ٹیم درہام جیٹ کو 35 رنز سے شکست دے دی ،144رنزکے تعاقب میں درہام جیٹ 108رنزپرہی پویلین لوٹ گئی ،نبی گل 57رنز بناکر نمایاں رہے۔تفصیلات کے مطابق ایمریٹس ائیر لائن ٹی ٹوئنٹی ٹرافی کے دوسرے میچ میں درہام جیٹ نے بیٹنگ کا آغاز جارحانہ انداز میں کیا ،پی ڈی کولنگ ووڈ نے 41رنز بنائے جبکہ اے جے ہیکی 21رنز کے ساتھ دوسرے نمبر پر رہے۔کلارک نے11 ، رچرڈسن نے5،برنہم نے9جبکہ پرنگل نے13رنز بنائے۔بلے باز پوئنٹر اورویگھل بغیر کوئی سکور کیے ہی پویلیئن لوٹ گئے۔ پشاور زلمی کی جانب سے عمران خان نے شاندار بولنگ کا مظاہرہ کرتے ہوئے 5وکٹیں حاصل کیں۔قبل ازیں پشاور زلمی کی جانب سے درہام جیٹ کوجیت کے لئے 143رنز کا ہدف دیا گیا تھا ،بلے باز نبی گل نے 57رنز کی شاندار اننگز کھیلی اور عادل امین 22رنز کے ساتھ دوسرے نمبر پر رہے۔ محمد عارف اورافتخار احمدنے10،سلمان آفریدی نے15اورمحمد عرفان نے 12رنز بنائے۔بلے باز مصدق احمد صرف6رنز بنانے کے بعد ہی پویلیئن لوٹ گئے تھے۔واضح رہے کہ اس ٹورنامنٹ میں چھ ٹیمیں حصہ لے رہی ہیں جن میں پشاور زلمی ،لاہور قلندر ،لنکا شائر لائیٹنگ ، درہام جیٹ ،ایم سی سی انگلینڈ الیون اور برمنگھم بیئرزشامل ہیں۔