لاہور(کلچرل رپورٹر)خواتین کی کانفرنس کے موقع پر مقامی ہوٹل میں ہونے والی تقریب میں مختلف فنکاروں کو ایوارڈز دیئے گئے۔اس موقع پر کلاسیکل پرفارمر نمرین بٹ سمیت کئی فنکاروں نے فن کا مظاہرہ بھی کیا جبکہ نمرین بٹ کو سال کی بہترین پرفارمرکے طورپر ایوارڈ دیاگیا۔اس بارے میں نمرین بٹ کا کہنا تھا کہ ویسے تو ہرشعبہ زندگی سے وابستہ خواتین کو بہت محنت کرنا پڑتی ہے لیکن شوبزسے وابستہ خواتین اس حوالے بہت اہمیت رکھتی ہیں کیونکہ انہیں بے پناہ مشکلات سے گزرکے شہرت ملتی ہے لیکن اس کے باوجود معاشرے میں انہیں وہ اہمیت نہیں دی جاتی جس کی وہ حقدار ہیں۔
