مایا علی ٹی وی ڈراموں میں رنگ جمانے کے بعد فلمی دنیا میں سرگرم

کراچی(شوبز ڈیسک) ٹی وی ڈراموں میں رنگ جمانے کے بعد مایا علی فلموں و ماڈلنگ کی دنیا میں سرگرم ہوگئیں۔ گلوکار علی ظفر کیساتھ اپنے فلمی کیریئر کی پہلی فلم طیفا ان ٹربل کی عکسبندی میں مصروف ہونے کے باوجود انہوں نے بین الاقوامی فیشن ڈیزائنر ماریہ بی کے ملبوسات کی تشہیری مہم کیلئے برانڈ ایمبیسیڈر بننا منظور کرلیا جسکی عکسبندی گزشتہ روز کی گئی۔ ان کا کہنا ہے کہ بطور اداکارہ ٹی وی ڈراموں میں اپنے آپکو منواچکی ہوں۔ اب ماڈلنگ کی دنیا میں کئی اداروں کی جانب سے مختلف پراڈکٹس کی آفرز ملنے کے باوجود فلم کی شوٹنگ میں مصروف رہی۔ بدلتے موسم کے ملبوسات کی تشہیری مہم کا حصہ بن کر مسرت ہوگی۔انہوں نے کہا میری پہلی فلم بھی شائقین کیلئے ایک نئی تبدیلی کا پیش خیمہ بنے گی۔ملکی فلم انڈسٹری کے استحکام میں فیشن ، بیوٹی اور فنکاروں کی محنت اہم کردار ادا کرسکتی ہے۔