وزیراعلیٰ پنجاب ”روسی“ زبان بولنے لگے۔۔۔

لاہور (اپنے سٹاف رپورٹر سے) وزیر اعلیٰ پنجاب محمد شہباز شریف نے تاتارستان کے صدر رستم مینخا نوو کے ساتھ ون ٹو ون اور وفود کی سطح پر ملاقات کے دوران روسی زبان میںبھی گفتگو کی۔تاتارستان کے صدر اور وفد کے دیگر اراکین نے وزیر اعلیٰ شہباز شریف کی روسی زبان پر دسترس کی تعریف کی اور کہا کہ پاکستان کے سب سے بڑے اور تیزی سے ترقی کرتے ہوئے صوبے کے وزیر اعلیٰ کو روسی زبان میں روانی کے ساتھ گفتگو کرتے ہوئے دیکھ کرہمیں بہت خوشی ہوئی ہے۔تاتارستان کے صدر نے وزیر اعلیٰ شہباز شریف کی قیادت میں پنجاب میں تیز رفتار ترقی کے لئے بے مثال اقدامات کو سراہتے ہوئے کہا کہ پنجاب پاکستان کا سب سے ترقی یافتہ اور خوشحال صوبہ ہے جس کا کریڈٹ وزیر اعلیٰ شہباز شریف کی غیر معمولی صلاحیتوں کو جاتا ہے۔ جنہوں نے دن رات محنت کر کے صوبے کی ترقی کے لئے نمایاں کام کیاہے ۔ا نہوں نے کہاکہ وزیراعظم محمد نوازشریف کی قیادت میں پاکستان ترقی کا سفر تیزی سے طے کررہاہے جبکہ پنجاب پاکستان کا سب سے ترقی یافتہ صوبہ بن چکاہے -انہوںنے کہاکہ میں پہلی بار پاکستان آیا ہوں اور مجھے لاہو رمیںجو پیار اور محبت ملی ہے وہ نا قابل فراموش ہے –