بھارت ٹیسٹ چمپئن شپ کی مخالفت میں سرگرم

نئی دہلی(نیوزایجنسیاں) بھارتی کرکٹ بورڈ ٹیسٹ چیمپئن شپ کی مخالفت میں کھل کر سامنے آگیا اور اس حوالے سے آئی سی سی کی جانب سے بلائی گئی 2 روزہ میٹنگ میں شرکت ہی نہیں کی۔تفصیلات کے مطابق بھارتی میڈیا میںدعویٰ کیا گیاکہ بی سی سی آئی کی جانب سے آئی سی سی کی حال ہی میں ’ورلڈ ٹیسٹ چیمپئن شپ‘ پر بلائی گئی 2 روزہ میٹنگ کو مسترد کردیا گیا جس میں تجویز پر مزید بات چیت ہونا تھی۔ بھارتی بورڈ کی جانب سے اس اقدام کا ایک مقصد آئی سی سی کی جانب سے افغانستان اور آئرلینڈ کو ٹیسٹ اسٹیٹس دینے میںاختیار کی جانے والی سست روی بھی ہے۔بی سی سی آئی کے ایک آفیشل نے کہاکہ انٹرنیشنل کرکٹ کونسل نے کس طرح 9 اور3 ٹیموں پر مشتمل ٹیسٹ چیمپئن شپ کا منصوبہ بنالیا،ابھی تک آئی سی سی بورڈ نے افغانستان اور آئرلینڈ کو ٹیسٹ اسٹیٹس دینے کی توثیق ہی نہیں کی، بات صرف اتنی سی ہے کہ بورڈ کے کچھ ممبرز دیگرکے موڈ کا اندازہ لگانا چاہ رہے ہیں، وہ سمجھتے ہیں کہ ایک ’کمزور‘ بھارتی بورڈ ان کے راستے میں حائل نہیں ہوسکے گا۔یاد رہے کہ جب سے ٹیسٹ چیمپئن شپ کا منصوبہ سامنے آیا بھارت کسی نہ کسی بہانے اس کے آڑے آرہا ہے، پہلے یہ پلان 2013 میں بھی سامنے آیا جسے رد کردیا گیا تھا، پھر اکتوبر 2016 میں ٹیسٹ ٹیموں کو 2حصوں میں تقسیم کرکے ترقی اور تنزلی کی بنیاد پر 2ڈویڑن میں ٹیسٹ چیمپئن شپ کا منصوبہ پیش کیا گیا، اس بار بھی بی سی سی آئی نے چھوٹے بورڈز کے ساتھ مل کر کوشش ناکام بنائی۔ رواں برس کے آغاز میں نئی تجویز پیش کی گئی جس میں ٹاپ 9 ٹیسٹ ٹیموں اور زمبابوے کے ساتھ افغانستان اور ا?ئرلینڈ کی شمولیت سے تین ٹیموں میں مقابلے ہونا ہیں، اسے بھارت کی مخالفت کے باوجود منظور تو کرلیا گیا مگر بی سی سی ا?ئی اب اس کو بھی ناکام بنانے پر تلا ہوا ہے۔