ڈرامہ سیریل ”رسمیں“کی ریکارڈنگ کیلئے شبیرجان لاہور پہنچ گئے

لاہور(کلچرل رپورٹر)پی ٹی وی لاہورسنٹرکے پروڈیوسرشوکت چنگیزی کی ڈرامہ سیریل”رسمیں“کی ریکارڈنگ میں حصہ لینے کے لئے اداکارشبیرجان لاہور پہنچ گئے ہیںجو چندروزقیام کے دوران اپنا بقیہ کام مکمل کرائیں گے ۔قبل ازیں اس سیریل کی ریکارڈنگ کئی دیگرعلاقوں میں کی گئی جس میں شبیرجان کے ہمراہ بہت سے فنکاروں کا کام مکمل کیا گیا۔ شبیرجان کے ہمراہ”رسمیں“میں کام کرنے والے اہم فنکاروں میں ایوب کھوسہ،ماہ نور،عزیقہ ڈینئل، نوشابہ،ظفرعباس سمیت بہت سے دیگر فنکاربھی شامل ہیں۔ شبیرجان کا کہنا ہے کہ وہ اس سیریل میں اہم اورمنفردنوعیت کا کردارکررہے ہیں۔