سورج پرتپش کے طوفان وہیلوں کی موت کی وجہ ہوسکتے ہیں

میری لینڈ(خصوصی رپورٹ) دنیا بھر میں وہیل اور ڈولفن کے حواس کھوکر راستہ بھٹکنے اور ساحلوں پر پھنس کر ہلاکت کے واقعات میں اضافہ ہوتا جارہا ہے لیکن اب تک اس پراسرار واقعات میں سینکڑوں وہیل مرچکی ہیں اور شاید اس کی وجہ سورج پر آنے والے طوفان ہوسکتے ہیں۔ناسا کے مطابق مکمل طور پر صحتمند وہیل اور ڈولفن اپنی سمت کھودیتی ہیں اور دھیرے دھیرے جزیروں اور ساحلوں پر آکر پھنس جاتی ہیں۔ یہ واقعات اکثر پیش آتے ہیں اور ایک واقعہ ہی سینکڑوں اموات کی وجہ بن رہا ہے۔ ناسا کے گوڈارڈ اسپیس فلائٹ سینٹرکے ماہرین نے سورج کو اس کا ذمے دار ٹھہرایا ہے۔