امیتابھ بچن، عالیہ بھٹ اور ورون دھون کا بڑا کارنامہ

ممبئی(ویب ڈیسک) بالی ووڈ سپر اسٹار امیتابھ بچن اداکارہ عالیہ بھٹ اور اداکار ورون دھون نے کینسر کے مرض میں مبتلا بچوں کے لیے ریمپ پر واک کی۔بھارتی میڈیا کے مطابق امیتابھ بچن نے فلورل ڈیزائن کا سیاہ سوٹ پہن کر واک کی رکھا تھا، اس موقع پر اداکار امیتابھ بچن نے کہا کہ ہم یہاں کینسر کے عارضے میں مبتلا نوجوان بچوں کے علاج معالجے کے لیے عطیات کے لیے اکھٹے ہوئے ہیں، آپ کے عطیات کینسر میں مبتلا بچوں کو مکمل اور صحت مند زندگی گزارنے کے مواقع فراہم کر سکتے ہیں۔اداکارہ عالیہ بھٹ اور ورون دھون نے بھی ریمپ پر واک کی اور اپنے نئے ریلیز کیے گئے گانے ”ٹما تما‘ پرڈانس بھی کیا جب کہ امیتابھ بچن نے بھی ان کا ساتھ دیا۔واضح رہے کہ امیتابھ بچن رام گوپال ورما کی فلم” سرکار 3“ میں اہم کردار میں ہیں اور اسے 17 مارچ کو سینما گھروں میں نمائش کے لیے پیش کیا جائے گا۔