ٹی 20 ورلڈکپ کے 35 ویں میچ میں سری لنکا نے ویسٹ انڈیز کو جیت کے لیے 190 رنز کا ہدف دیدیا۔
ابوظہبی کے شیخ زاید کرکٹ سٹیڈیم میں گروپ 1 کا میچ سری لنکا اور ویسٹ انڈیز کے مابین کھیلا جارہا ہے، پولارڈ الیون نے ٹاس جیت کر آئی لینڈرز کو بیٹنگ کی دعوت دی۔
سری لنکا نے جارحانہ انداز اپناتے ہوئے مقررہ اوورز میں 189 رنز بنائے۔ اسالانکا نے 68 سکور کی برق رفتار اننگز کھیلی، نسانکا نے 41 گیندوں پر 51 رنز کی زبردست باری کھیل کر پویلین لوٹے، کوشل پریرا 29 رنز بنا کر آؤٹ ہوئے۔ رسل نے دو شکار کیے۔ براوو کے حصے میں ایک وکٹ آئی۔
