کراچی : (ویب ڈیسک) متحدہ قومی موومنٹ پاکستان ( ایم کیو ایم ) نے کراچی میں قومی اسمبلی کی 9 نشستوں پر ہونے والے ضمنی انتخاب میں بھرپور حصہ لینے کا فیصلہ کرلیا۔ ذرائع کے مطابق متحدہ قومی موومنٹ پاکستان کی جانب سے ضمنی انتخابات میں حصہ لینے کے حوالے سے کارکنان کو انتخابات کی تیاری کی ہدایات بھی جاری کردی گئی ہیں۔ ایم کیو ایم رہنماؤں کا کہنا ہے کہ ضمنی انتخابات میں میدان خالی نہیں چھوڑا جائے گا۔ خیال رہے کہ الیکشن کمیشن نے قومی اسمبلی کی 33 نشستوں پر ضمنی انتخاب کے شیڈول کا اعلان کردیا ہے جس کے مطابق کراچی کے 9 حلقوں پر انتخابات 16 مارچ کو ہوں گے۔
