لاہور: (ویب ڈیسک) سابق چیئرمین واپڈا لیفٹیننٹ جنرل ریٹائرڈ مزمل حسین کو سنگین کرپشن الزامات پر نیب لاہور نے بیس جون دوپہر تین بجے طلب کرلیا۔
نیب لاہور کی جانب سے جاری نوٹس کے مطابق مزمل حسین کے غلط اقدامات کے باعث 753 ملین ڈالر کا نقصان ہونے کا الزام ہے، سابق چئیرمین واپڈ کے مبینہ طورپر غلط اقدام سے سرکاری خزانے کو 150ارب روپے کا نقصان ہونے کا الزام ہے، واپڈا میں گزشتہ تین سالوں میں کرپشن اور سست روی کے باعث اربوں روپے کا نقصان ہونے کا الزام ہے، تربیلا فور پراجیکٹ میں 753 ملین ڈالر کی کرپشن کا بھی الزام ہے۔
مزمل حسین پر بطور چئیرمین واپڈا زبردستی کنٹریکٹرز کو غلط ادائیگیاں کروانے کا الزام ہے۔ 1410 میگا واٹ کا پراجیکٹ تکمیل کے قریب ہے لیکن فی یونٹ تعمیر سب سے مہنگی اور مالی ضوابط میں سنگین بے ضابطگیوں کا الزام ہے۔
نیب نوٹس کے مطابق سابق چیئرمین واپڈا لیفٹیننٹ جنرل ریٹائرڈ مزمل حسین کو پہلے بھی طلب کیا گیا تھا لیکن وہ پیش نہ ہوئے جس پر انہیں دوبارہ طلب کیا گیا ہے۔
