نئی دہلی: (ویب ڈیسک) معروف بھارتی کرکٹر سری سانتھ نے تمام طرز کی کرکٹ سے ریٹائرمنٹ کا اعلان کردیا ہے۔
بھارتی میڈیا رپورٹس کے مطابق سماجی رابطے کی ویب سائٹ ٹوئٹر پر اپنی ریٹائرمنٹ کے حوالے سے اعلان کرتے ہوئے بھارتی کرکٹ ٹیم کے فاسٹ باؤلر شانتھا کمارن نائر سری سانتھ نے تمام طرز کی کرکٹ کو خیر باد کہہ دیا ہے۔
ہندوستانی تیز گیند باز نے پیشہ ورانہ کرکٹ سے ریٹائرمنٹ کی تصدیق کے لیے ایک طویل نوٹ پر مشتمل پیغام شیئر کیا۔
انہوں نے اپنے ٹوئٹ میں لکھا کہ اپنے گھر والوں، ساتھیوں اور بھارت کے لوگوں کی نمائندگی کرنا میرے لیے اعزاز کی بات ہے اور ہر وہ شخص جو کھیل سے محبت کرتا ہے ان سب کو میں کہتا ہوں کہ میں نے ہندوستان کی جانب سے تمام طرز کی کرکٹ کو چھوڑنے کا فیصلہ کیا ہے۔
خیال رہے سری سانتھ نے 2005 سے 2013 تک بھارتی ٹیم کے لیے 27 ٹیسٹ میچ، 53 ایک روزہ بین الاقوامی اور 10 ٹی 20 میچ کھیلے۔
