خضدار میں لیویز فورس نے بڑی کارروائی کرتے ہوئے 88 کلو گرام بارودی مواد برآمد کرکے تخریب کاری کا منصوبہ ناکام بنادیا۔
ڈپٹی کمشنر خضدار ولی محمد بڑیچ نے میڈیا کانفرنس میں بتایا کہ لیویز فورس نے کارروائی کرتے ہوئے 88 کلو گرام بارودی مواد برآمد کیا، جس میں نان الیکڑیکل، واہ بکس اسٹک، ٹائمر فیوز اور تار شامل ہیں۔
بارودی مواد ایک جیپ کے ذریعے منتقل کیا جارہا تھا، زاوہ چیک پوسٹ پر لیویز فورس نے گاڑی سے بارودی مواد برآمد کیا اور 2 ملزمان گرفتار کرلیا۔
ڈپٹی کمشنر خضدار ولی محمد بڑیچ کے مطابق برآمد ہونیوالا بارودی مواد 350 بموں میں استعمال ہوسکتا تھا، گرفتار ملزمان سے مزید تفتیش جاری ہے
