لاہور: (ویب ڈیسک) قومی کرکٹرز نے شائقین کرکٹ سے درخواست کی ہے کہ وہ سری لنکا کے خلاف سیریز میں دونوں ٹیموں اور کرکٹ کو اسپورٹ کرنے بڑی تعداد میں اسٹیڈیم کا رخ کریں۔قومی کھلاڑیوں نے کھیل کے مدحواں کو طویل عرصہ بعد ملک میں ایک روزہ کرکٹ سیریز کی بحالی کا جشن منانےکے لیے اسٹیڈیم آنے کی دعوت دی ہے۔قومی کرکٹ ٹیم کے کپتان سرفراز احمد نے کہا کہ اپنے ہوم گراو¿نڈ میں قومی ایک روزہ کرکٹ ٹیم کی قیادت میرے کیریئر کا یادگار لمحہ ہوگا۔ جمعہ کے روز سری لنکا کے خلاف شیڈول پہلے ایک روزہ میچ کا بے تابی سے انتظار کرنے والے سرفراز احمد نے کہا کہ یقین ہے میدان میں اترتے وقت ہوم کراو¿ڈ کے سامنے ہمیں بھرپور اسپورٹ ملے گی۔کپتان قومی کرکٹ ٹیم نے کہا کہ مداح کسی بھی کھیل کی ترقی میں کلیدی کردار ادا کرتے ہیں۔ وہ اپنے بھرپور جوش اور ولولے سے میدان میں موجود کھلاڑیوں میں ایک نئی امنگ پیدا کردیتے ہیں۔ سرفراز احمد نے مداحوں کو کرکٹ کا جشن منانے کے لیے اسٹیڈیم آنے کی دعوت دی ہے۔
