لاہور ( ویب ڈیسک) رات گئے شریف خاندان کی رہائش گاہ جاتی امراء پر پولیس کی ریڈ، شریف خاندان کی جانب سے سرکاری زمین پر غیر قانونی طور پر بنائی گئی سیکورٹی چیک پوسٹیں ختم کر دی گئیں۔ تفصیلات کے مطابق جمعہ کی رات کو پولیس نے بھاری مشینری کے ساتھ شریف خاندان کی لاہور میں واقع رہائش گاہ جاتی امراء پر چھاپہ مارا ہے۔پولیس کرین اور دیگر مشینری کے ساتھ جاتی امراء پہنچی۔پولیس کی جانب سے جاتی امراءکے پاس موجود سرکاری زمین پر قائم کردہ چیک پوسٹوں کو منہدم کر دیا گیا۔ بتایا گیا ہے کہ شریف خاندان کی جانب سے سرکاری زمین پر غیر قانونی طور پر سیکورٹی چیک پوسٹیں قائم کی جا رہی تھیں۔ اطلاع ملنے پر پولیس نے فوری ایکشن میں آتے ہوئے غیر قانونی طور پر تعمیر کی جانے والی چیک پوسٹوں کو ختم کر دیا گیا ہے۔ اس سے قبل بھی پولیس کی جانب سے کچھ عرصہ پہلے جاتی امراء پر چھاپہ مار کر غیر قانونی بیرئیرز اور رکاوٹیں ختم کر دی گئیں تھی۔ اب دوبارہ اسی سلسلے میں جاتی امراء پر ریڈ کی گئی اور تمام غیر قانونی تعمیرات کو ختم کر دیا گیا۔
