ابوظہبی(ویب ڈیسک)آسٹریلیا کے خلاف اپنے ٹیسٹ کیرئیر کا پہلا میچ کھیلنے والے اوپنر فخر زمان ٹیسٹ اننگز میں سینچری سے قبل 94 رنز پر آوٹ ہوئے تو وہ پاکستان کے چوتھے بیٹس مین بن گئے جو “نروس نائنٹیز “ کا ڈیبیو پر شکار ہوئے۔ ابوظہبی ٹیسٹ کے پہلے دن چائے کے وقفے سے قبل پہلا ٹیسٹ کھیلنے والے بائیں ہاتھ کے بیٹسمین فخر زمان سنچری سے محض 6 رنز کی دوری پر تھے کہ ایل بھی ڈبلیو آو¿ٹ ہوئے۔ڈیبیو میچ میں نروس نائنٹیز میں آو¿ٹ ہونے والے پاکستانی کھلاڑیوں کی فہرست میں پہلے پاکستانی وکٹ کیپر اوپننگ بیٹس مین عبدالقادر تھے، جو آسڑیلیا کے خلاف نیشنل اسٹیڈیم کراچی میں 95 رنز بنا کر رن آوٹ ہوئے۔تسلیم عارف مرحوم جنوری 1980ئ میں بھارت کے خلاف اولین ٹیسٹ کی پہلی اننگز میں 90 رنز پر آوٹ ہوئے۔اس فہرست میں تیسرے پاکستانی بائیں ہاتھ کے مڈل آرڈر بیٹسمین عاصم کمال تھے جو اکتوبر 2003ئ میں جنوبی افریقا کے خلاف لاہور میں پہلی اننگز میں 99 رنز بنا کر آوٹ ہوئے۔ٹیسٹ کرکٹ کی تاریخ میں فخر زمان اولین ٹیسٹ میں “ نروس نائینٹرز “ کا شکار ہونے والے 31ویں کھلاڑی ہیں، انگلینڈ کے اسٹنلے جیکسن دنیا کے پہلے کھلاڑی تھے جو ڈیبیو ٹیسٹ میں “ نروس نائنٹیز “ کا شکار ہوئے، وہ جولائی 1893ئ میں لارڈز کرکٹ گراو¿نڈ میں آسڑیلیا کے خلاف 91 رنز بنا کر آوٹ ہوئے تھے۔
