دبئی(آئی این پی)آسٹریلیا کےخلاف ٹیسٹ سریز سے قبل چار روزہ وارم میچ کیلئے قومی اے کرکٹ ٹیم دبئی روانہ ہوگئی۔ اسد شفیق ٹیم کی قیادت کررہے ہیں۔قومی ٹیسٹ ٹیم کے خلاف سیریز سے قبل مہمان ٹیم آسٹریلیا کو قومی اے ٹیم کا سامنا کرنا پڑے گا۔ دونوں ٹیموں کے مابین چار روزہ پریکٹس میچ انتیس ستمبر سے شروع ہوگا۔ میچ میں شرکت کیلئے قومی اے کرکٹ کے چودہ کھلاڑی اور سات آفیشلز علامہ اقبال انٹرنیشنل ایئرپورٹ لاہور سے دبئی سے روانہ ہوئے۔اسد شفیق وارم اپ میچ میں قومی اے ٹیم کی قیادت کریں گے کھلاڑیوں میں سمیع اسلم، عابدعلی، افتخار احمد، عثمان صلاح الدین، سعد علی، آغا سلمان، محمد رضوان، وقاص مقصود، وہاب ریاض، راحت علی، عامر یامین، عمید آصف اورسعود شکیل شامل ہیں جبکہ توصیف احمد کو مینجر،سجاد اکبر کو ہیڈ کوچ اور عبدالرحمان کو اسسٹنٹ کوچ مقرر کیا گیا ہے۔ آسٹریلیا کے خلاف چار روزہ وارم اپ میچ انتیس ستمبر سے دو اکتوبر تک شیڈول ہے۔
