وفاقی حکومت کے پاس کسی پارٹی کو تحلیل کرنے کا اختیار ہی نہیں: فواد چوہدری

اسلام آباد: (ویب ڈیسک) تحریک انصاف کے رہنما فواد چوہدری کا کہنا ہے کہ 84 سیٹوں والے کہہ رہےہیں 155 سیٹیں لینے والی پارٹی پر پابندی لگا دیں گے، وفاقی حکومت کے پاس کسی پارٹی کو تحلیل کرنے کا اختیار ہی نہیں۔
انہوں نے امید ظاہر کی کہ عدالت الیکشن کمیشن کا فیصلہ کالعدم کردے گی اور فیصلہ ہمارے حق میں آئے گا۔
فواد چوہدری نے چیف الیکشن کمشنر پر پھر تنقید کرتے ہوئے انہیں پی ڈی ایم کا آلہ کار قرار دے دیا۔
فواد چوہدری نے الیکشن کمیشن پر الزام عائد کیا کہ اس نے وزیر قانون کی ہدایت پر ممنوعہ فنڈنگ کا فیصلہ بدلا۔
انہوں نے کہا کہ ریفرنس حکومت کو بھیجنے کی بات بعد میں فیصلے میں شامل کی گئی، فیصلے میں سقم کے پہاڑ ہیں۔