الیکشن کمیشن آف پاکستان نے غیر ملکی فنڈنگ سے متعلق دستاویزات کی فراہمی کے لیے پاکستان تحریک انصاف کے سابق عہدیدار اکبر ایس بابر کی درخواست پر فیصلہ سنا دیا۔
یاد رہے کہ الیکشن کمیشن آف پاکستان نے 6 اپریل کو اس درخواست پر فیصلہ محفوظ کیا تھا۔
الیکشن کمیشن آف پاکستان نے حکم دیا ہے کہ اسکروٹنی کمیٹی ریگولر ورکنگ ڈیز میں صبح 10 بجے سے سہ پہر3 بجے تک کام کرے جب کہ فریقین ایک ایک چارٹر اکاؤنٹنٹ اور ایک ایک مالی ایکسپرٹ کمیٹی کو فراہم کریں۔
الیکشن کمیشن نے اسکروٹنی کمیٹی کو مئی کے آخر تک کام مکمل کرنے کا حکم بھی دیا ہے۔
