لاہور (جنرل رپورٹر)صوبائی دارلحکومت میں سموگ کے ڈیرے رہے، گزشتہ روزائیر کوالٹی انڈیکس 270 یکارڈ کیا گیا، محکمہ موسمیات نے آج سے بارش کی پیشگوئی کردی۔ اوسطاً ائیر کوالٹی انڈیکس250 سے تجاوز کر گیا، جس کی وجہ سے شہریوں کا سانس لینا بھی دو بھر ہوگیا، ذرائع کے مطابق پنجاب اسمبلی کے اطراف 550 اور گڑھی شاہو میں 623 اور میاں میر گاو¿ں میں اے کیو آئی 573 ریکارڈ کیاگیا۔باغوں کے شہر لاہور سے زہریلے بادلوں کے چھٹ جانے کی امید پیدا ہوگئی، محکمہ موسمیات نے آئندہ 24 گھنٹوں میں بارش کی نوید سنادی، ماہرین موسمیات کے مطابق آج لاہور شہر کا زیادہ سے زیادہ درجہ حرارت23 اور کم سے کم 12 ڈگری سینٹی گریڈ رہنے کا امکان ہے، ہوا میں نمی کا تناسب38 فیصد ریکارڈ کیا گیا۔
