قصاب اپنی چھریوں سے بھی تیز ، من مانے ریٹ

لاہور(خبر نگار)عید قرباں کیلئے قصابوں کی چھریاں تیز، قصابوں نے عید قرباں کی بکنگ شروع کردی۔ قصابوں کی جانب سے من مانے ریٹ وصول کیے جانے لگے۔بکرے کی قربانی کا ریٹ 5 سے 6ہزار روپے مقرر جبکہ گائے 13 سے 15ہزار مقرر کردیا گیا۔ اونٹ 28ہزار میں قربان ہو گاشہریوں نے سرکاری نرخ کے اعلان کا مطالبہ کردیا۔تفصیلات کے مطابق عید قربان سر پر ہے عوام پہلے ہی مہنگائی کی چکی میں پس رہی ہے لیکن عید قربان کرنا بھی لازمی ہے لاہور کے شہری اپنے جانور خرید رہے ہیں وہاں قصاب بھی متحرک ہوگئے ہیں ان دنوں میں کچھ ایسے قصاب بھی نظر آتے ہی جو کبھی یہ کام نہیں کرتے انہوں نے بھی بکرا ذبح کرنے کےلئے بکنک کر رہے ہیں بعض ناتجربہ کار قصاب قصابوں سے رابطے شروع کردئے ہیں تاکہ وہ انکے اسسٹنٹ کے طور پر کام کریں اور عید ی اکٹھی کی جائے جس سے شہری پریشان ہیں ان کا کہنا تھا کہ انتظامیہ اس پر بھی توجہ دے کہ قصابوں کے ریٹ مقرر کرے تاکہ عوام کو ریلیف مل سکے لیکن قصابوں کا کہنا ہے کہ مہنگائی کے دور میں یہ ریٹ زیادہ نہیں ہیں۔