چودھری نثار ن لیگ میں ایکٹو ، شہباز نے نواز کو پھنسا دیا

لاہور (وقائع نگار) وزیر ریلوے شیخ رشید نے کہا ہے کہ چوہدری نثار ن لیگ میں ایکٹو ہوگئے ہیں، وہ لاہور کے کچھ لوگوں سے ملاقاتیں کررہے ہیں۔تفصیلات کے مطابق وفاقی وزیر ریلوے شیخ رشید احمد نے کہا ہے کہ چوہدری نثار ن لیگ میں ایکٹو ہوگئے ہیں، آصف زرداری بلاول کو وکٹ پر کھلا رہے ہیں ان لوگوں کا عمران خان سے کوئی مقابلہ نہیں ہے۔شیخ رشید نے کہا کہ آصف زرداری حساس معاملوں پر بلاول سے کہلواتے ہیں خود چپ ہوجاتے ہیں، زرداری واحد ہیں جو جیل کاٹ سکتے ہیں، آصف زرداری میں ہمت ہے تو خود آکر کھیلیں، ان کی خواہش ہے کہ ان کے ساتھ شہباز شریف فارمولا استعمال ہو، زرداری کو ڈیل یا ڈھیل کے قریب دیکھ رہا ہوں۔وزیر ریلوے نے کہا کہ شہباز شریف نے نواز شریف کو بھی پھنسا دیا ہے، شہباز شریف نواز شریف سے 10 ہاتھ آگے ہیں۔انہوں نے کہا کہ معاشی بحران آصف زرداری اور نواز شریف نے پیدا کیا، دو سال میں ملک کو معاشی بحران سے نکال لیا جائے گا، صدارتی نظام کی باتیں ملک توڑنے کے مترادف ہیں۔شیخ رشید نے کہا کہ فضل الرحمان نے ساری زندگی سیاست دانوں کو استعمال کیا ہے، اب سیاست دان مولانا فضل الرحمان کو استعمال کرنے جارہے ہیں، حالات جیسے بھی ہوں عمران خان این آر او نہیں دیں گے۔وزیر ریلوے نے کہا کہ بجٹ آنے والا ہے، ایمنسٹی اسکیم بھی آرہی ہے، کرپٹ لوگوں کا ایک ہی ایشو ہوتا ہے ہمیں باہر جانے دو، ایسے حالات میں ضروری ہے کہ پاکستان میں محفوظ سیاست