ڈاکٹرز قوم کا اثاثہ ہیںان کے جائز مطالبات کو فوری تسلیم کیا جائے،چیئرمین برابری پارٹی پاکستان جواد احمد

لاہور( صدف نعیم سے )چیئرمین برابری پارٹی پاکستان جواد احمد نے کہا ہے کہ ڈاکٹرز قوم کا اثاثہ ہیں ان کا شمار مسیحا ﺅں میں کیا جاتا ہے،برابری پارٹی پاکستان حکومت کی جانب سے بنائے گئے میڈیکل ٹیچنگ انسٹی ٹیوشن ایکٹ کو ر د کرتی ہے اور حکومت سے مطالبہ کرتی ہے کہ ڈاکٹروں کے جائز مطالبات کو فوری تسلیم کیا جائے ان باتوں کا اظہار انھوں نے پارٹی کے مرکزی سیکرٹیریٹ میں وورکرز سے ملاقات میں کیا اس موقع پر ان کا مزید کہنا تھا کہ عمران خان کے دعوے ووٹ لینے کے لئے فراڈ تھا، تحریک انصاف کی حکومت ایک ایجنڈے کے تحت ملک کو آئی ایم ایف کے حوالے کررہی ہے جو اب کیلے،پیاز،دودھ اور انڈووں کی قیمتیں مقرر کرئے گی اور وفاقی حکومت کا بجٹ بنائے گی حالانکہ بطور اپوزیشن عمران خود آئی ایم ایف کے مخالف رہے ان کا کہنا تھا کہ رمضان بازار اور یوٹیلٹی اسٹورز پر بھی اشیائے خوردونوش کی قیمتیں عام آدمی کی قوت خرید ے باہر ہوچکی ہیں جس کی وجہ عمران خان پچھلے نظام کو قرار دیتے ہیں جو صرف جھوٹ اور لاروں پر مبنی ہے۔عمران صاحب آپ کی نااہلی نے صرف 9 مہینوں میں ترقی کی شرح 5.2فیصد کر دی ہے جو 9 سالوں میں کم ترین ہے اور آپ ہی کے قائم کردہ نظام کی نالائقی کی وجہ سے آئی ایم ایف کی عوام دشمن شرائط مانی جارہی ہیں وزیر اعظم صاحب عوام کے پاس کھانے کو کچھ ہوگا تو ہی ان کی صحت بنے گی آپ کی نالائقی اور نااہلی کی وجہ سے مہنگائی تین گنا اور ترقی کی شرح آدھی ہو گئی ہے۔