روزنامہ خبریں کے ایڈیٹر پروڈکشن عبدالجبار ثاقب کے بیٹے سب ایڈیٹربابر جبار انتقال کر گئے، نماز جنازہ ادا ، ضیا شاہد اور امتنان شاہد کا اظہار افسوس

لاہور (وقائع نگار) لاہور پریس کلب کے کونسل ممبر اور روزنامہ خبریں کے سب ایڈیٹر بابر جبار شاہ جگر کے عارضہ کے باعث قضائے الٰہی سے انتقال کر گئے ہیں۔ مرحوم روزنامہ خبریں کے ڈپٹی ایڈیٹر پروڈکشن عبدالجبار ثاقب کے بڑے صاحبزادے تھے۔ مرحوم کی نماز جنازہ شاہ کمال دربار میں رات آٹھ بجے ادا کر دی گئی۔نماز جنازہ میں فرقان ہاشمی ، خبریں کے کارکنوں اور اہل علاقہ کی شرکت۔چیف ایڈیٹر خبریں ضیا شاہد اور ایڈیٹر خبریں گروپ امتنان شاہد نے جواں سالہ بیٹے کے انتقال پر عبدالجبار ثاقب سے اظہار افسوس کیا۔ آج ان کی نماز جنازہ چیچہ وطنی کے نواحی گاﺅں میں صبح 9 بجے ادا کی جائے گی۔