ہسپتالوںاور عوامی فلاحی کاموں کو روکنا مجرمانہ عمل ہے : معروف صحافی ضیا شاہد کی چینل ۵ کے پروگرام ” ضیا شاہد کے ساتھ “ میں گفتگو

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ وزیراعظم نے راولپنڈی میں جس ہسپتال کا افتتاح کیا شیخ رشید اکثر اس کا ذکر کرتے تھے اور بتاتے تھے کہ یہ ہسپتال مشرف دور میہسپتالوںاور عوامی فلاحی کاموں کو روکنا مجرمانہ عمل ہے : معروف صحافی ضیا شاہد کی چینل ۵ کے پروگرام ” ضیا شاہد کے ساتھ “ میں گفتگو
ں مکمل ہو گیا صرف آلات نصب ہونے تھے اور ہسپتال نے فعال ہو جانا تھا لیکن شہباز شریف نے اپنے دور حکومت میں فنڈز جاری نہ کئے اور کام کو روکے رکھا جس کے باعث ہسپتال 10 سال تک غیر فعال رہا۔ افسوسناک حقیقت یہ ہے کہ ہمارے ہاں ہر معاملے میں سیاست گھسیڑی جاتی ہے۔ عوامی فلاح کے لئے بنائے گئے ہسپتال یا کسی بھی ادارے کو محض اس باعث فعال نہ ہونے دینا کہ کریڈٹ مخالف کو چلا جائے گا ایک مجرمانہ عمل ہے۔ یہ صرف سوچ کی بات ہے ورنہ اصل کریڈٹ تو ہمیشہ حکومت وقت کے کھاتے میں ہی جاتا ہے۔ اسی ذہنیت کے تحت میں کارڈیالوجی وزیرآباد اور ملتان کے ایک ہسپتال کو بھی غیر فعال رکھا گیا۔ بدقسمتی ہے کہ ہمارے سیاستدان بڑی سطحی سوچ رکھتے ہیں ان کے نزدیک کام صرف ان لوگوں کا کرنا چاہئے جو انہیں ووٹ دیتے ہیں، جمہوریت کو زرخرید لونڈی سمجھا جاتا ہے، ایسے نظام میں عوام کو فیض کیسے مل سکتا ہے۔ نیب جس بڑے ملزم کو پکڑتی ہے عدالتیں دھڑا دھڑ ضمانتیں دیتی جاتی ہیں۔ چند درجن ورکر اکٹھے کر کے عدالت کے خلاف نعرے لگوائے جاتے ہیں چادر چار دیواری کے تحفظ کی باتیں کی جاتی ہیں تو کیا چادر چار دیواری صرف بڑے لوگوں کی ہوتی ہے۔ یہاں تو انہی بڑے لوگوں نے ایسی پولیس بنائی جو معمولی جرائم میں ملوث افراد کے اہل خانہ تک کو اٹھا کر لے جاتی ہے۔ منی لانڈرنگ اور کرنسی کے بڑے کیسز میں فرنٹ مین تو پکڑے جا رہے ہیں اصل مجرموں پر ہاتھ نہیں ڈالا جا رہا۔ پاک چین دوستی مسلمہ حقیقت ہے تاہم یہ ہر گز تقاضا نہیں کرتی کہ مسلم اور غیر مسلم غریب لڑکیوں کو بہلا پھسلا کر شادی اورپھر چین بھیج دیا جائے۔ یہ ہماری قومی غیرت کا مسئلہ ہے، چین کی حکومت کو اس حساس معاملے پر پاکستانیوں کے جذبات کا خیال رکھنا چاہئے۔ چین اور پاکستان کی پولیس اب ایسے گروپوں کحلاف مشترکہ کارروائی کر رہی ہے اور گرفتاریاں کی جا رہی ہیں۔ خبریں گروپ کے شام کے اخبار ’نیا اخبار‘ میں خبر میں بتایا گیا ہے کہ صرف چینی نہیں بلکہ ہانگ کانگ اور دیگر ممالک کے لوگ بھی کئی مذموم دھندوں میں ملوث ہیں۔ یہاں مساج سنٹرز کے نام پر فحاشی کے اڈے قائم کئے گئے ہیں، ان سنٹرز کے باہر برے بورڈز پر غیر ملکی نام دیکھ کر پولیس بھی گھبرا جاتی ہے اور کوئی کارروائی نہیں کی جاتی۔ دنیا بھر میں صرف ملک کا قانون ہی اس جگہ لاگو ہوتا ہے، صرف چینی یا دیگر غیر ملکی بورڈز لگانے کا یہ مطلب نہیں کہ ان کے خلاف کوئی کارروائی نہیں ہو سکتی پولیس اور دیگر متعلقہ اداروں کو ایسے سینٹرز پر کڑی نظر رکھنی چاہئے کہ کہاں یہ علاج اور کہاں پر صرف بدمعاشی ہو رہی ہے۔ داتا صاحب دربار کے باہر حملہ کرنے والا دہشتگرد 14,15 سال کا تھا جس نے گھوم پھر کر سارے حالات کا جائزہ لیا، پھر واپس کیا اور جیکٹ پہن کر آیا اور ایلیٹ فورس کی گاڑی کے قریب دھماکہ کر دیا۔ اس سارے واقعہ میں پولیس و دیگر اداروں کی کوتاہی نظر آتی ہے کہ کیا کوئی بھی اس پر نظر رکھنے والا نہیں تھا۔