پاکستان میں سب سے پہلے آئی ایم ایف کو لفٹ کرانے والا ایوب خان تھا: خالد چودھری ، چین نے واضح کر دیا ہے کہ پاکستانیوں لڑکیوں سے شادی کرنےوالوں سے قانون کے مطابق نمٹا جائیگا: امجد سلیم ، مالیاتی اداروں پر آئی ایم ایف کا قبضہ ، اپنا بندہ گورنر سٹیٹ بنک بھی لگا لیا :منور انجمف ، دہشت گرد کے سہولت کار کو پکڑا جانا بڑی خبر :آغاز باقر ، چینل ۵ کے پروگرام ” کالم نگار “ میں گفتگو

لاہور (مانیٹرنگ ڈیسک) چینل فائیو کے پروگرام ”کالم نگار“ میں گفتگو کرتے ہوئے سینئر صحافی خالد چودھری نے کہا ہے کہ پاکستان میں آئی ایم ایف کی لعنت کو لانے والا ایوب خان تھا جو عمران خان کا آئیڈل ہے۔ ترقی کرنی ہے تو عام آدمی کی حالت کو بہتر بنانا ہو گا۔ موجودہ گورنر سٹیٹ بینک رضا باقر کے والد ایس ایم اقر کا پیپلزپارٹی سے گہرا تعلق تھا۔ انہوں نے وہاڑی سے الیکشن بھی لڑا تھا جو ہار گئے تھے۔ غربت سب سے بڑی لعنت ہے آخر میں کہا تھا کہ پاکستانی لڑکیاں چینی باشندوں سے شادیاں کرنے پر مجبور ہوئیں اس کی بڑی وجہ غربت تھی۔ شادی کرنا بُری بات نہیں تاہم اس طریقے سے جیسے ہو رہی ہیں شادیاں نہیں ہونے دینا چاہئیں‘ جرائم پیشہ عناصر دنیا کے ہر ملک میں پائے جاتے ہیں ہمیں اس معاملے کو اس طرح بھی دیکھنا چاہئے کہ کہیں جان بوجھ کر اسے اس نہج پر تو نہیں لیجایا جا رہا کہ پاک چین دوستی میں دراڑ پڑ جائے۔
سینئر تجزیہ کار امجد سلیم منہاس نے کہا کہ حکومت کو آئی ایم ایف معاملہ ہو یا کوئی اور سب سے پہلے اسے پارلیمنٹ میں لانا چاہئے۔ تحریک انصاف نے اقتدار میں آنے سے ہوم ورک بالکل نہیں کیا۔ کریمنل عناصر ہر معاشرے میں پاتے جاتے ہیں ایسا لگتا ہے کہ پاکستانی لڑکیوں کے چینی باشندوں کے شادی کے معاملات کو جان بوجھ کر اچھالا گیا ہے۔ چین نے واضح کر دیا ہے کہ ایسے عناصر سے قانون کے مطابق نمٹا جائے گا۔ مختلف قوتیں ایسی ہی متحرک ہیں جو پاک چین تعلقات کو خراب کرنا چاہتی ہیں۔
سینئر صحافی منور انجم نے کہا کہ پاکستان کے مالیاتی اداروں پر آئی ایم ایف نے قبضہ جما لیا ہے اپنے بندے کو سٹیٹ بنک کا گورنر لگا دیا ہے۔ پاکستانی لڑکیوں کی چینیوں سے شادی کی ایک بڑی وجہ غربت بھی ہے۔ پاکستان کو اس معاملے پر بعض نکات طے کرنا ہونگے۔ ترکمانستان میں بھی وہاں کی لڑکی سے شادی کرکے کوئی اسے ملک سے باہر نہیں لیجا سکتا۔ پیپلزپارٹی اور ن لیگ بھی آئی ایم ایف کے پاس گئی مگر اپنی شرائط پر قرض لیا۔
سینئر تجزیہ کار آغا باقر نے کہاکہ غیرملکی سے شادی ضرور ہو سکتی ہے تاہم اس شادی کو مکمل طور پر قانونی ہونا چاہئے اس میں کسی قسم کا دھوکہ‘ فراڈ نہیں ہونا چاہئے۔ اسمبلی میں نمائندگان کی تعداد بڑھانے کا بل آ رہا ہے اس سے ممکن ہے کہ مڈل کلاس طبقہ کو بھی نمائندگی کرنے کا موقع مل جائے۔ دہشت گرد کے سہولت کاروں کا پکڑا جانا اچھی خبر ہے۔ ان عناصرکی مکمل بیخ کنی ضروری ہے۔