برطانوی وزیرخارجہ نے کہا ہے کہ امریکا اسرائیل ایران کے درمیان دو ہفتے کی جنگ بندی کا خیرمقدم کرتے ہیں، مذاکرات کی کوششوں پر پاکستان اور دیگر کے شکرگزار ہیں۔
وزیرخارجہ نے کہا کہ خطے میں سیکیورٹی اورامن کیلئے جنگ بندی بہتر پیش قدمی ہے اس ہفتے پاکستان میں امریکا ایران مذاکرات کی کامیابی کے منتظر ہیں۔
ان کا کہنا تھا کہ خطے میں سلامتی اور بین الاقوامی جہازوں کی آمدورفت کیلئے یہ اہم قدم ہے مذاکرات کیلئے پاکستان اور اس میں شامل لوگوں کا شکریہ ادا کرتا ہوں، ہمیں کشیدگی میں کمی لا کر آبنائے دوبارہ کھولنے کی ضرورت ہے۔
وزیرخارجہ نے کہا کہ شپنگ، انشورنس اور توانائی کےشعبوں کے ساتھ کام جاری رکھیں گے ایران کو حملے بند اور آبنائے میں تجارتی نظام کو فعال رکھنا چاہیے یہ ضروری ہے مجوزہ مذاکرات تنازع کے مکمل خاتمے کی طرف لے جائیں۔
