لاہور: (ویب ڈیسک) پاکستان ویمن کرکٹ ٹیم میلبرن سے دبئی روانہ ہوگئی ہے، قومی ٹیم دبئی سے ٹی 20 ورلڈکپ میں شرکت کے لیے جنوبی افریقہ کے شہر کیپ ٹاؤن پہنچے گی۔
جنوبی افریقہ میں شیڈول ٹی ٹونٹی میگا ایونٹ میں قومی خواتین کرکٹ ٹیم کا پہلا ٹاکرا 12 فروری کو روایتی حریف بھارت کے خلاف ہوگا۔
ٹی ٹونٹی ورلڈ کپ کی تیاریوں کے لئے قومی ٹیم نے آسٹریلیا میں 3 ایک روزہ میچز اور 3 ٹی ٹونٹی میچز کی سیریز کھیلی تھی۔
آسٹریلیا کے خلاف قومی ٹیم کو ون ڈے میچز میں تین صفر اور بارش سے متاثرہ ٹی سیریز میں دو صفر سے ناکامی کا سامنا کرنا پڑا تھا۔
