راولپنڈی : (ویب ڈیسک) آئی ایس پی آر کے مطابق آرمی چیف جنرل سید عاصم منیر سے سینٹکام کمانڈرجنرل مائیکل ایرک کوریلا نے ملاقات کی ہے ۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں علاقائی استحکام ، سکیورٹی صورتحال، دفاع ، اور سکیورٹی کے شعبوں میں تعاون پر غور کیا گیا ، دونوں ممالک کی افواج کے درمیان تعاون پر بھی تبادلہ خیال کیا گیا۔
آئی ایس پی آر کے مطابق ملاقات میں دونوں ممالک کےدرمیان وفود کی سطح پر مذاکرات بھی ہوئے ، سینٹکام کمانڈر نے دہشت گردی کے خلاف جنگ میں پاکستان کی کامیابیوں کو سراہا۔
آئی ایس پی آر کے مطابق سینٹکام کمانڈر نے سیلاب میں امدادی سرگرمیوں اور علاقائی امن کے لیے پاکستان کے کردار کو بھی سراہا ۔
