راولپنڈی : (ویب ڈیسک) پاکستان اور انگلینڈ کے درمیان تین ٹیسٹ میچوں کی سیریز کی ٹرافی کی رونمائی کر دی گئی، پہلے ٹیسٹ میچ سے قبل مہمان ٹیم نے ٹاس جیت کر پہلے بیٹنگ کا فیصلہ کر لیا ۔
پاکستان اور انگلینڈ کے درمیان ٹیسٹ سیریز ٹرافی کی رونمائی راولپنڈی کرکٹ گراؤنڈ میں کی گئی، دونوں ٹیموں کے کپتان بابر اعظم اور بین اسٹوکس نے ٹرافی رونمائی کی تقریب میں شرکت کی۔
انگلینڈ کیخلاف پہلے ٹیسٹ میں بابراعظم قومی ٹیم کی قیادت کریں گے جبکہ دیگرکھلاڑیوں میں عبداللہ شفیق ، امام الحق ، اظہر علی ، سعود شکیل، وکٹ کیپر بیٹر محمد رضوان ، سلمان علی آغا ، نسیم شاہ ،حارث رئوف ،محمد علی اورزاہد محمود شامل ہیں ۔
راولپنڈی سٹیڈیم میں کھیلے جانے والے پہلے ٹیسٹ میچ میں پاکستان کی جانب سے 4 کھلاڑی ڈیبیو کر رہے ہیں، سعود شکیل، حارث رئوف ،محمد علی اور زاہد محمود کو ٹیسپ کیپ پہنائی گئی ہیں جبکہ انگلینڈ کی جانب سے ول جیکس اور لیام لونگ اسٹون ٹیسٹ ڈیبیو کریں گے ۔
ٹاس سیشن کے موقع پر انگلش کپتان بین سٹوکس کا کہنا تھا ٹیسٹ سیریز کے پہلے میچ کیلئے پرجوش ہیں ،پاکستان مشکل حریف ہے، کوشش ہوگی اچھی کارکردگی کا مظاہرہ کریں ،راولپنڈی سٹیڈیم کی پچ بھی اچھی نظر آرہی ہے ۔
