اسلام آباد: (ویب ڈیسک) قومی ویمن کرکٹ ٹیم کا 10 روزہ تربیتی کیمپ آج سے اسلام آباد میں شروع ہوگا۔
قومی خواتین ٹیم لاہور سے اسلام آباد پہنچ گئی ہے، خواتین کرکٹرز آئرلینڈ میں سہ ملکی سیریز اور کامن ویلتھ گیمز کی تیاریوں کے لیے 10 روزہ ٹریننگ کیمپ میں شرکت کریں گی۔
ٹریننگ کیمپ میں باؤلنگ، بیٹنگ اور فیلڈنگ پریکٹس سمیت 10 پریکٹس میچز بھی کھیلے جائیں گے، قومی اسکواڈ سہ ملکی سیریز اور کامن ویلتھ گیمز میں شرکت کے لیے 12 جولائی کو آئرلینڈ روانہ ہوگا۔
