نانتونگ، جیانگ سو(شِنہوا)چین نے بحیرہ مشرقی چین میں قائم ایک پلیٹ فارم سے پانچ سیٹلائٹس کو کامیابی کے ساتھ خلا میں بھیجا ہے۔جیلن-1گاوفین سیریز کے سیٹلائٹس کو ہفتہ کی صبح 11 بجکر 30 منٹ (بیجنگ وقت)پر لانگ مارچ-11 کیریئر راکٹ کے ذریعے لانچ کیا گیا جو کامیابی کے ساتھ اپنے مدار میں داخل ہوئے۔یہ سیٹلائٹس زمینی وسائل کے سروے، شہری منصوبہ بندی اور ڈیزاسٹر مانیٹرنگ کے شعبوں کے لیے کمرشل ریموٹ سینسنگ ڈیٹا سروسز فراہم کریں گے۔ لانگ مارچ سیریز کے کیریئر راکٹس کا یہ 418 واں فلائٹ مشن ہے۔
